Tum ne Hi Majboor Kiya Hai

Tum ne Hi Majboor Kiya Hai
Mujh ko Raah Badalney Par
Jeewan ke Be-Ant Safar mein
Ghair ka Ho kar Chalney Par
Main ne Tumhari Aashaaoo'n ka
Har har Roop Saraaha tha
Main ne Apna Aap Bhula kar
Tum ko toot ke Chaha tha
Umar ki Ujli Deewaroo'n par
Qismat Ka Anshyaara tha
Aur Bohat they Sooraj lakin
Tum sa Charaagh hi Payaara tha
Lakin Tum hi Merey Maseeha
Nafrat ke Saanchey mein Dhal Kar
Ik Din Merey Saamney Aa gey
Qatil ka Behroop Badal Kar
Ab kya Shikwa , Kaisi Shikaayet
Chahat ke Sab Rishtey Kachey
Main bhi Aur Tum bhi Harjaayi
Main bhi theek aur Tum bhi Sachey