Dil bhi bujha ho shaam ki parchaiyaan bhi hon
Mar jaiyae jo aisay mae tanhaiyaan bhi hon
Ankhon ki surkh laher hay moj-e-supurdgi
Yeh kiya zaroor hay k ab angraiyaan bhi hon
Her husan-e-sada loh na dil mae utar saka
Kuch to mizaj-e-yar mae gahraiyaan bhi hon
Dunya k tazkiray to tabiyat hi lay bujhay
Baat is ki ho to phir sukhan araiyaan bhi hon
Pehlay pehal ka ishq ab bhi yaad hay FARAZ
Dil khud yeh chahta tha k ruswaiyaan bhi hon
0 comments:
Post a Comment