Darya ne kal jo Chup ka liBada Pehan lia
PyasOn ne apne Jism pe Sehra Pehan lia
Wo Taatt ki Qaba thi, K kagHaz ka Perahan
Jesa bhi Mil gya Hamen, Wesa Pehan lia
FaqOn se Tang aaey to Poshaak Bech di
Uryaan hue ! To shaB ka Andhera Pehan lia
Garmi laGi to Khud se alaG ho k, So gay
SarDi laGi to Khud ko, DoBara Pehan lia
BhoNchaal me Kafan ki Zarurat, Nahi Pari
Har laaSh ne Makan ka MalBa Pehan lia
BEDAL ! LiBas e Zeest Bra Deeda Zeb Tha
Aur Hum ne Us liBaas ko Ulta Pehan lia
0 comments:
Post a Comment