Hawa ko awara kehne walon

Hawa ko awara kehne walon
Kabhi tu socho kabhi tu likho
Hawayein kyun apni manzilon se bhatak gayi hain
Na unki aankhon main khawab koi
Na khawb main intezaar koi

Ab unkay saaray safar main subhay yaqeen koi
Na shaam-e-sada aitbar koi
Na unki apni zameen koi na aasman per koi sitarah
Na koi mausam na khushboo ka istaara
Na roshni ki lakeer koi na unka apna safer koi
Jo unkay dukh per kitaab likhay
Musafirat ka azaab likhay
Hawa ko awaara kehnay walon
kabhi tu socho!

»»  read more

Hijr ki raat Dhale na Dhale

Hijr ki raat Dhale na Dhale.

le Gham-e-janaan ham to chale.

Divane ki maut na pouch;

Ahl-e-Khirad ne haath male.

Apni lagan hai apna laag;

Kaun bure aur kaun bhale.

Duniya mein daanaa hai vohi;

Jo duniya ke saath chale.

Chashm-e-tamasha ye bhi dekh;

Phool hanse aur shaaKh jale.

BichhRe huhe dukh 'Saif' hamein;

Ro ro ke milte hain gale.

»»  read more

Ik Hijr-e-Musalsal Hy

Ik Hijr-e-Musalsal Hy,

Ansu Hen Mery Sathi,

Kuch Khuwab Puranay Hen,

Kuch Paas Nahi Baaqi,

Teray Paas Chala Aaon!

Teri Neend Chura Laon,

Mere Dil Se NaJane Q,

Ye Khuwaish Nahi Jaati,

Din Rat Tumhen Dekhon,

0r

Pyaar Kiye Jaon!

Meri Aankhon Sy,

Mere Dil Se…

Teri Pyaas Nahi Jaati,

Ik Dujey Se Dono Ko,

Ye Kesi Adawat Hy,

Teri Yaad Jo Aa Jaye,

Phir!!

Neend Nhi Aati..

»»  read more

Ye Pehlay Hijar Ka Qissa Hai

Ye Pehlay Hijar Ka Qissa Hai,

Jo Aaj k Din Ki Baat Nahi,

Kuch Umar Bhi Thi Deewaano'n Si,

Kuch Chaal Bhi Thi Mastaano'n Si,

Hathn Mein Phool Sajatay

Thay,

Sajh_Dhaj Kar college Jatay Thay,

Kab Itnay Seedhay Saadhay Thay,

Us Waqt To Hum Shehzaday Thay,

Phir Ik Chehra Bhaa Sa Gaya,

Nazdeek Wo Dil k Aa Sa Gaya,

Phir wo Tha Aur Baatain Us ki,

Din Sab Us k Raatain Uss ki,

Phir Aisa Bichrra Mila Nahi,

Is Dil ka Phool Phir Khila Nhi,

Phir Uss k Baad Jo Log Milay,

Is Dil ko Jitnay Rog Milay,

Har Saans Ussi k Naam Rahi,

Har Sham Ussi ki Sham Rahi,

Ye Pehlay Hijar Ka Qissa Hai,

Jo Aaj Bhi Hum Pe Taari Hai,

Ye Hijr Abhi Tak Jaari Hai

Ye Hijr Abhi Tak Jaari Hai

»»  read more

Darya ne kal jo Chup ka liBada Pehan lia

Darya ne kal jo Chup ka liBada Pehan lia

PyasOn ne apne Jism pe Sehra Pehan lia

Wo Taatt ki Qaba thi, K kagHaz ka Perahan

Jesa bhi Mil gya Hamen, Wesa Pehan lia

FaqOn se Tang aaey to Poshaak Bech di

Uryaan hue ! To shaB ka Andhera Pehan lia

Garmi laGi to Khud se alaG ho k, So gay

SarDi laGi to Khud ko, DoBara Pehan lia

BhoNchaal me Kafan ki Zarurat, Nahi Pari

Har laaSh ne Makan ka MalBa Pehan lia

BEDAL ! LiBas e Zeest Bra Deeda Zeb Tha

Aur Hum ne Us liBaas ko Ulta Pehan lia

»»  read more

Qisa Abi Hijab Se Aagy Nahi Barha

Qisa Abi Hijab Se Aagy Nahi Barha

Main Aap

Wo Janab Se Aagy Nahi Barha

Muddat Hoi Kitab-e-Muhabbat Shuru Kye

Lekin Main Pehle Baab Se Aagy Nahi Barha

Lambi Musaftain hain Mgr Is Sawaar Ka

Paon Abi Raqaab Se Aagy Nahi Barha

Tool-e-Kalaam K Lye Main Ne Kye Sawal

Wo Mukhtasar Jawab Se Aagy nahi Barha

Rukhsar Ka Pata Nahi

Ankhain To Khoob hain

Darshan Abi Naqaab Se Aagy Nahi Barha

Wo Lazat-e-Gunah Se Mehroom He Raha

Jo Khwahish-e-Sawab Se Aagy Nahi Barha

»»  read more

Dil mein ek laher si utthi hai abhi

Dil mein ek laher si utthi hai abhi 

Koi taaza hawa chali hai abhi

Dil mein ek laher si utthi hai abhi

shor barpa hai khana-e-dil mein

koi deewar si giri hai abhi 

koi taza hawa chali hai abhi

Dil mein ek laher si utthi hai abhi

kuchh to nazuk mizaaj hain hum bhi 

aur ye chote bhi nayi hai abhi

koi taza hawa chali hai abhi

Dil mein ek laher si utthi hai abhi

yaad ke be-nishaan jazeeron se

teri awaaz aa rahi hai abhi

koi taza hawa chali hai abhi

Dil mein ek laher si utthi hai abhi

shehar ki be-charaagh galiyon mein

zindagi tujh ko dhoondti hai abhi

koi taza hawa chali hai abhi

Dil mein ek laher si utthi hai abhi

»»  read more

Merey sabar ka na ley Imtehaan

Merey sabar ka na ley Imtehaan

Meri khaamoshi ko sada na dey

Jo terey baghair na jee sakey

Usey jeeney ki to duaa na dey

Tu azeez Dil-o-nazar sey hai

Tu qareeb Rag-o-jaan sey hai

Merey Jissm-o-jaan ka yeh faisla

Kaheen waqat aur barha na dey

Tujhe bool ke bhi na bulaa sakoon

Tujhe chah ke bhi na pa sakoon

Meri hasraton ko shumaar kar

Meri chahaton ka silaa na dey

Wo tarap jo shula-e-jaan mein thi

Merey tan badan sey lypat gaye

Jo bujha sakey to buja isey

Na bujha sakey to hawa na dey

Tujhe agar milein kabhi fursatein

Meri shaam phir sey sanwaar dey

Agar qatal karna hai to qatal kar

Yoon judayioon ki saza na dey

»»  read more

Hijjer Main Q Rulaty Ho Kaha Hoty Ho

Hijjer Main Q Rulaty Ho Kaha Hoty Ho

Loot Ker Q Nahi Aaty Ho Kaha Hoty Ho

Mujh Se Bichre Ho To Mehboob-E-Nazer Ho Kis K

Aaj Kel Kis Ko Manaty Ho Kaha Hoty Ho

Shab Ki Tanhai Main Akser Ye Khayal Ata Hai

Apne Dukh Kis Ko Sunaty Ho Kaha Hoty Ho

Sard Raatoon Main Tumhain Kaise Bhula Sakta Hoon

Aag C Dil Main Lagaty Ho Kaha Hoty Ho

Sheher K Log Bhi Akser Ye Sawal Kerty Hain

Ab Boht Kam Nazer Aaty Ho Kaha Hoty Ho

»»  read more

Us k hathon se joo khoshbo-e-hina atii hai

Us k hathon se joo khoshbo-e-hina atii hai

Aisa lagta hai k jannat se hawaa atii hai

Chomne daar ko kis dhaj se chala hai koi

Aj kis naaz se maqtal mee qaza aati hai

Na kabhi koi kare tujh se tere jaise salook

Hath uthtay hi yehi lab pe dua aati hai

Tere gham ko ye bar-hana nahin rehne deti

Meri ankhon pe jo ashkon ki rida aati hai

Us ke chehray ki tamazat bhi hai shamil is main

Aaj tapti hoi saavan ki ghata aati hai

Ghomnay jab bhi tere shehar me jati hai wafa

Bain karti hui wapis woh sada aati hai

Hai wohi bat har ik lab pe bohat aam yahan

Hum se jo kehte hue un ko haya ati ha

»»  read more

Kaati Hai GaM Ki Raat Bade EhtraaM Se

Kaati Hai GaM Ki Raat Bade EhtraaM Se, 

Aksar Bujha Liya Hai Charagon Ko ShaaM Se, 

Roshan Hai Apni BazM Aur Isse EthaMaM Se, 

Kuch Dil Bhi Jal Rahe Hai Charagon Ke NaaM Se, 

Muddat Hui Hai Khoon-E-TaManna Kiye Magar, 

Ab Tak Tapak Raha Hai Lahoo Dilke JaaM Se, 

Subah-E-Bahar HuMko Bulati Rahi Magar, 

HuM Khelte Rahe Kisi DaMakti ShaaM Se, 

Har Saans Par Hai Maut Ka Pehra Laga Hua, 

Ahista Aye Hayat Guzar Is MukaaM Se, 

Kati TaMaM UMr Fareb-E-Bahar Mein,

Kante SaMette Rahe Phoolon Ke NaaM Se, 

Ye Aur Baat Hai Ke HuM Na Sun Sake, 

Awaz Usne Di Hai HaMein Har MukaaM Se..

»»  read more

Shikwa Teri

Shikwa Teri

"Yaadon" sa

istrha kiya hum Ne

Hanstay hanstay Dil KO

... "Rula" Diya Hum ne...

... Ek Lamha diya

tu ne "jeene" ke Liye

Aur us mein

Zindagi ko "bita"

Diya Hum ne...

(¯`v´¯)

`•.¸.•´ ...

»»  read more

Jalti Shamain, Roshan Chehrey

Jalti Shamain, Roshan Chehrey

Kaasni Lariyaan, Nazuk Sehrey

Nargis, Bela, Motiya, Lala

Juhi, champaa aur banafshaa

Har Koi Dekho Shaad Hai Naa

Aaj Tumhari Salgirah Hai

Dekho Hum Ko Yaad Hai Naa

Hum To Sirf Dua-Go Log

Khaak-O-Mehr Ka Kiya Sanjoag

Pas Rahen Ya Doorr Rahen

Wehshat Se Ranjoor Rahen

Mehfil To Abad Hai Naa

Aaj Tumhari Salgirah Hai

Dekho Hum Ko Yaad Hai Naa

Kaise Kaise Khuwab Buney

Rang Ba’range Phool Chuney

Un Ke Hath Pe Hath Rahe Ga

Salgirah Ka Cake Katey Ga

Khuwab Har Ik Barbaad Hai Naa

Aaj Tumhari Salgirah Hai

Dekho Hum Ko Yaad Hai Naa

»»  read more

Gali Main Dard K Purze Talaash Karti Thi

Gali Main Dard K Purze Talaash Karti Thi

Maire Khatoot K Tukre Talaash Karti Thi

Bhulae Koon Azyat Pasandiyaan Us Ki

Khushi K Dhair Main Sadmey Talaash Karti Thi

Ajab Hijar Parasti Thi Uski Fitrat Main

Shajar K Toote Patey Talaash Karti Thi

Ghuma Phira K Judai Ki Baat Karti Thi

Hamaisha Hijar K Harbey Talaash Karti Thi

Duain Karti Thi Ujre Howe Mazaroon Par

Bare Ajeeb Sahaaray Talaash Karti Thi

Mujhe To Aaj Bataaya Hai Badloon Ne

Wo Laut Aane K Raaste Talaash Karti Thi

»»  read more

Chaand Ke Saath Kaii Dard Puraane Nikale

Chaand Ke Saath Kaii Dard Puraane Nikale

Kitane Gam The Jo Tere Gam Ke Bahaane Nikale

Fasl-E Gul Aaii Phir Ik Baar Asiiraan-E-Vafaa

Apane Hii Khuun Ke Dariyaa Men Nahaane Nikale

Hijr Ki Ajab Sang-Shikan Hotii Hai

Dil Kii Befaiz Zamiinon Se Khazaane Nikale

Umr Guzarii Hai Shab-E-Taar Men Aankhen Malate

Kis Ufaq Se Meraa Khurshiid Na Jaane Nikale

Kuu-E-Qaatil Men Chale Jaise Shahiidon Kaa Juluus

Khvaab Yuun Bhiigatii Aankhon Ko Sajaane Nikale

Dil Ne Ik Iint Se Taamiir Kiyaa Taaj Mahal

Tuu Ne Ik Baat Kahii Laakh Fasaane Nikale

Dasht-E Tanhaaii-E-Hijraan Men Khadaa Sochataa Huun

Haaye Kyaa Log Meraa Saath Nibhaane Nikale

Main Ne ‘Amjad’ Use Bevaastaa Dekhaa Hii Nahiin

Vo To Khushbuu Men Bhii Aahat Ke Bahaane Nikale

»»  read more

kis-kis tarah se mujh ko na rusva kiya gaya

kis-kis tarah se mujh ko na rusva kiya gaya

gairon ka naam mere lahu se likha gaya

nikala tha main sada-e-jaras ke talash mein

bhule se is sukut ke sehra mein aa gaya

kyon aj us ka zikr mujhe khush na kar saka

kyon aj us ka naam mera dil dukha gaya

is hadase ko sun ke karega yaqin koi

suraj ko ek jhonka hawa ka bujha gaya

»»  read more

Tarz jine ka sikhati hai mujhe

Tarz jine ka sikhati hai mujhe

tashnagi zeher pilati hai mujhe

raat bhar rahati hai kis baat ke dhun

na jagti hai na sulati hai mujhe

ruthata hun jo kabhi duniya se

zindagi aake manati hai mujhe

aaina dekhun to kyunkar dekhun

yaad ik shakhs ke aati hai mujhe

band karta hun jo aankhen kya kya

roshani si nazar aati hai mujhe

koi mil jaye to rasta kat jaye

apni parachai darati hai mujhe

ab to ye bhool gaya kis ke talab

des parades phirati hai mujhe

kaise ho khatm kahani gham ke

ab to kuch neend si aati hai mujhe

»»  read more

Yaad karana har ghadi us yar ka

Yaad karana har ghadi us yar ka

hai vazifa mujh dil-e-bimar ka

aarazu-e-chashma-e-kausar nahi

tishnalab hun sharbat-e-didar ka

aakabat kya hovega malum nahi

dil hua hai mubtila dildar ka

kya kahe tarif dil hai benazir

harf harf us makhzan-e-israr ka

gar hua hai talib-e-azadagi

band mat ho subba-o-zunnar ka

masnad-e-gul manzil-e-shabanam hui

dekh rutba dida-e-bedar ka

ae “wali” ho na srijan par nisar

mudda’a hai chashm-e-gauhar bar ka

»»  read more

Yaaron Marr Bhi Gaya Toa

Yaaron Marr Bhi Gaya Toa,

Aarthi Meri Dafnaa Dena

Utha Kar Janaza Mera,

Unki Gali Ghuma Dena

Agar Wo Mera Pata Puche To

Shamshaan Ghaat Bata Dena

»»  read more

Aag Ho To Jalney Main

Aag Ho To Jalney Main Der Kitne Lagtee Hai

Barf Key Pighalney Main Der Kitne Lagtee Hai

Chahey Koi Ruk Jaye,Chahey Koi Rah Jaye

Qafloun Ko Chalney Main Der Kitne Lagtee Hai

Chahey Koi Jase Bhee Hamsafar Ho Sadyoun Sey

Rasta Badalney Main Der Kitne Lagtee Hai

Ye To Waqt Key Bass Main Hai Ke Kitne Mohlat Dey

Warna Whakt Dhalney Main Der Kitne Lagtee Hai

Soch Ke Zamenoun Per Rastey Juda Hon To

Dur Ja Nikalney Main Der Kitnee Lagtee Hai

Umer Bhar Ka Bandhan Bhee Pal Bhar Main Tut Jata Hai

Soch Ko Badalney Main Der Kitne Lagtee Hai

Jab Hawa Mukhalif Ho,Mooj Main Samander Ho

Kashteyan Ulatney Main Der Kitnee Lagtee Hai

»»  read more