Jannat me Dakhil Hone ki 40 Ahadees-e-Mubaraka in Islamic Wallpapers Urdu

There are Forty (40) Hadees-e-Mubarka about Paradise in Islam (Jannah) in Images for Social Media post share.

Allah ka Dar aur Acha Ikhlaq:

Sayadna Abu Huraira r.a sy marwi ha wo bayan karty hain ky Rasool Allah s.a.w sy aisy amal ky bary mein sawal kiya gaya jo sab sy ziyada logo ko jannat mein dakhil kary ga to Rasool Allah s.a.w ny farmaya: "Allah ka dar aur acha ikhlaq...!!!"

Khalos-e-dil sy Kalmy ki Shahat Dena:

Sayadna Maaz r.a sy marwi ha wo bayan karty hain ky Rasool Allah s.a.w ny farmaya: "Jis shakhs ny khalos-e-dil sy ye shahadat di ky Allah tala ky ilawa koi mabood barhaq nahi woh jannt mein dakhil hoga...!!!"

Wafat ky Waqat Kalma Shahadat Parhna:
Sayyadna maaz bin Jabal s.a.w sy marwi hai wo bayan karty hain ky Rasool Allah s.a.w ny farmaya: "Jis shakhs ka aakhri kalam "La Ila Ha Il Lallah" hoga woh jannat mein dakhil hoga...!!!"

Apny Maal ki Hifazat mein Qatal hona:

Sayadna Abdullah Bin Umer Bin Aas r.a sy marwi ha ky Rasool Allah s.a.w ny farmaya: "Jo shakhs apny maal ki hifazat aur difa karty howey nahak katal kar diya gaya woh jannat mein dakhil hoga...!!!"

Yateem ki Kafalat Karna:

Sayyad na Sahal Bin Saad r.a sy Marwi hai woh bayan karty hain ky Rasool Allah s.a.w ny farmaya: "Main aur yateem ki kafalat karny wala jannt mein istarha hongy aap s.a.w ny apni angusht shahadat aur darmiani ungli ky sath ishara kiya aur unky darmian kuch fasla dala...!!!"

Nimaz-e-ashraq ki char Rikaat aur Nimaz-e-zuhar sy pahly char rikat parhna:

Sayadna abu Mosa Ashari r.a sy marwi ha wo bayan karty hain ky Rasool Allah s.a.w ny farmaya: "Jis shakhs ny nimaz ashraq ki char rikatein aur pahli nimaz (yani nimaz-e-zuhar) sy pahly char rikatien (pabandi sy) parhi us keliye jannat mein ghar bana diya gaya hai...!!!"

Nimaz-e-fajar aur Nimaz-e-asar Baqaidgi sy Ada Karna:

Sayyadna Abu Mosa r.a sy marwi ha ky Rasool Allah s.a.w ny farmaya: "Jis ny do thandy waqt ki nimazein (yani fajar aur asar) ada ki woh jannat mein dakhil hoga...!!!"

Har Farz Nimaz ky Bad Aayat-al-Kursi Parhna:

Sayyadna Abu Imama r.a sy Marwi ha wo bayan karty hain ky Rasool Allah s.a.w ny farmaya: "Jis shakhs ny har (farz) nimaz ky baad ayat ul kursi parhi usy jannat mein dakhil hony sy sirf mot ny rok rakha ha (yaani wo marty hi jannat mein dakhil ho jaye ga...!!!")

Kasrat sy Nafli Rozy Rakhna:

Sayyadna Abu Imama r.a sy Marwi ha ky unho ny arz kiya ay Allah ky Rasool s.a.w mujhy kisi aisy amal ka hukam dejiye jis ky zarye main jannat mein dakhil ho joun aap s.a.w ny farmaya: "(Kasart sy nafli) rozy rakha karo bilashuba isky misal koi amal nahi...!!!"

Achi Guftago karna aur Khana Khilana:

Sayyadna Haani (bin yazeed) r.a sy marwi ha ky jab woh Rasool Allah s.a.w ky pas hazir howey to arz kya ay Allah ky Rasool s.a.w konsi cheiz jannat wajib karti ha? Aap s.a.w ny farmaya: "Achi guftago kiya kro aur khana khilaya karo...!!!"

Musalman bhai ki Izzat ka Difa karna:

Sayadna Abu Darda r.a sy marwi ha woh Nabi-e-Kareem s.a.w sy bayan karty hain ky aap s.a.w ny farmaya: "Jis shakhs ny apny bhai uski gair mojodgi mein uski izzat ka difa kiya Allah Tala qayamat ky din us ky chahry sy jahanum ki aag ko door kar dien gy...!!!"

Zuban aur Sharamgah ki Hifazat:

Sayadna Sahal bin Saad r.a sy marwi ha woh bayan karty hain ky Rasool Allah s.a..w ny farmaya: "Jo shakhs mujhy is cheiz ki zamanat dy jo isky jabron ky darmian ha yaani zuban aur jo do tango ky darmian ha yani sharamgah main usey jannt ki zamanat deta hon...!!!"

Allah Tala ky Ninanwy Naam Hifz karna:

Sayyadna Abu Huraira r.a sy marwi ha woh bayan karty hain ky Rasool Allah s.a.w ny irshad farmaya:  "Bila-shuba Allah Tala ky Ninanwy (99) Naam hain jis ny in ko shumar (hifz) kar liya woh jannat mein dakhil hoga...!!!"

Sorat Ikhlas sy Muhabbat karna:

Sayadna Abu Huraira r.a sy marwi ha woh bayan karty hain ky main Nabi-e-Kareem s.a.w ky hamrah aisy aadmi ky pas aaya jo sorat ikhlas ki tilawat kr raha tha Aap s.a.w ny farmaya: "Wajib ho gai" mainy arz kiya, wajib ho gai? Aap s.a.w ny farmaya: "Jannat wajib ho gai...!!!"

Masajid ki taraf jana:

Sayydna Abu Huraira r.a sy marwi ha woh Nabi Kareem s.a.w sy bayan karty hain ky Aap s.a.w ny farmaya: "Jo shakhs subha ko aur sham ko masjid ki taraf gaya Allah Tala usky liye jannat me mahmaan nawazi ka saman har martaba tayyar kar dety hain jab bhi woh subha ya sham ky waqat gaya...!!!"

Deeni Ilm Hasil karna:

Sayadna Abu Huraira r.a sy marwi ha woh bayan karty hain ky Aap s.a.w ny farmaya: "Jo shakhs husool-e-ilm keliye kisi rasty par chala Allah Tala us ky liye us ky badly jannat ka rasta aasan bana deingy...!!!"

Sharm-o-haya ikhtiyar karna:

Sayyadna Abu Huraira r.a sy marwi ha wo Nabi-e-Kareem s.a.w sy bayan karty hain ky Aap s.a.w ny farmaya: "Haya iman sy ha aur iman (waly) jannat mein hongy...!!!"

Bila Zarorat kisi sy Sawal karna:

Sayadna Soban r.a sy marwi ha woh bayan karty hain ky Aap s.a.w ny farmaya kon ha jo mujhy us baat ki zamanat dy ky wo logon sy kisi cheiz ka sawal nahi kary ga to main usey jannat ki zamanat deta hon Sayadna Soban r.a ny kaha main phir woh kisi sy kuch nahi mangty they...!!!"

Tasbeeh-o-Tamheed karna:

Sayadna Jabir r.a sy marwi ha woh Nabi-e-Kareem s.a.w sy bayan karty hain ky Aap s.a.w ny farmaya: "Jis skhakhs ny "Subha Allah Ilazeem Wabihamdihi" yeh kaha usky liye jannat mein aik khajor ka darakht laga diya jata hai...!!!"

Takabbur, Khayanat aur Qarz sy dor rahna:

Sayadna Soban r.a sy marwi ha woh bayan karty hain ky Rasool Allah s.a.w ny farmaya: "Jo rooh jism sy juda hoi aur wo teen cheizon, takabbur, khayant aur qarz sy bari thi to woh Jannat me dakhil hogi...!!!"

Masjid mein Azan dena:

Sayyadna Abdullah bin Umer r.a sy marwi ha Aap s.a.w ny farmaya: "Jis shakhs ny bara saal nimaz keliye azan kahi usky liye jannt wajib ho gai...!!!"

Orat ka Ahkam-e-Islam ki pabandi:

Sayyadna Abu Huraira r.a sy marwi ha woh bayan karty hain ky Aap s.a.w ny farmaya: "Jo orat panch nimazien parhy, Maah-e-Ramzan ky rozy rakhy, apni sharam gah ki hifazat kray, apny shohar ki ataat kary to jannat ky darwazon mein sy jis sy chahy dakhil ho jaye...!!!"

Hajj-e-Mabroor karna:

Sayadna Abu Huraira sy marwi ha aap s.a.w ny farmaya: "Hajj-e-marbroor naiki wala haj ka sawab jannt hi hai...!!!"

Allah sy Dar kar Rona aur us ki raah mein pahra dena:

Sayyadna Ibn-e-abbas r.a sy marwi ha woh bayan karty hain ky mainy Rasool Allah s.a.w ko farmaty howey suna: "Do aankhon ko jahanum ki aag nahi choo sakti aik woh jo Allah ky dar sy ro pari aur dosri woh aankh jo raah fi sabilillah mein pahra dety howey raat guzarti hai...!!!"

Razaye Ialahi ki khatir deeni bhai ki Ziyarat karna:

Sayyadna abu Huraira r.a sy marwi ha woh bayan karty hain ky Rasool Allah s.a.w ny farmaya: "Jis shakhs ny kisi mareez ki ayadat ki ya razaye ilahi ki khatir apny deeni bhai ki ziyarat ki to us ky liye manadi ailan karta ha ky tu khush ho ja tera (in kamo keliye) chalna umda ha aur tuny apna thikana jannat mein bana liya hai...!!!"

Wazoo ky baad Nafal parhna:

Sayadna Uqba bin Aamir r.a sy marwi ha woh bayan karty hain ky Rasool Allah s.a.w ny farmaya: "Jo musalman bhi wazoo karta ha aur acha wuzoo karta ha phir khara ho kar do rikat nimaz ada karta ha jis mein woh apny dil aur chahry sy mutawajja rahta ha (yani kamil khusho aur yaksai ikhtiar karta hai) to usky liye jannat wajib ho jati hai...!!!"

Nabi-e-Kareem s.a.w par Darood Bhejna:

Sayadna Ibn-e-abbas r.a sy marvi ha woh bayan karty hain ky Rasool Allah s.a.w ny farmaya: "Jo shakhs mujh par darood bhejna bhool gaya (yani chor diya) usny jannat ka rasta kho diya...!!!"

La-howla-wala quwatta illa billa kahna:

Sayadna Abu Mosa Ashari r.a sy marwi ha woh bayan karty hain ky Rasool Allah s.a.w ny farmaya: "Ay abdullah bin qais kiya main tumhain jannat ky khazano mein sy aik khazana na bataoun mainy arz kiya kiun nahi zaroor ay Allah ky Rasool Aap s.a.w ny farmaya kaho "la howla wala quwatta illa billa" na hi kisi burai sy bachny ki taqat ha aur na hi naiki karny ki quwat magar Allah ki madad ky sath...!!!)"

Lain Dain mein Fayazi sy kam Lena:

Sayadna Usman Bin Afan r.a sy marwi ha wo bayan karty hain ky Rasool Allah s.a.w ny farmaya: "Allah tala ny aik shakhs ko jannat mein dakhil kar diya jo kharidty waqat farokht karty waqt faisla karty waqt aur taqaza karty waqt narmi aur fayazi sy paish aata tha...!!!"

Masaib par Sabar karna:

Sayadna Abu Imama r.a sy marwi ha wo Nabi-e-Kareem s.a.w sy bayan karty hain ky Rasool Allah s.a.w ny farmaya: "Allah azzawa jal farmaty hain ibne aadam agar tu sadmy ky shuro shuro mein sabar kary ga aur sawab ki niyat rakhy ga to main tery liye sawab mein jannat hi dena pasand karonga...!!!"

Aankhon ki Binayi chaly jany par Sabr karna:

Sayadna Anas r.a sy marwi ha wo bayan karty hain ky mainy suna rasool Allah s.a.w farmaty they: "Keh Allah Tala farmaty hain jab main apny bandy ko uski do piyari cheizo ky zarye yani aankhon sy mahroom kar ky aazmaon pas woh us par sabr kry to main usky badly usey jannat donga...!!!"

Allah Tala par Tawakkal karty howey dam talab na karna:

Sayadna Imaran bin Hussain r.a sy marwi ha woh bayan karty hain ky rasool Allah s.a.w ny farmaya: "Meri ummat ky satther afrad bagair hisab kitab ky jannat mein dakhil hongy sahaba kiram ny daryaft kiya ay Allah ky Rasool s.a.w wo kon hongy Aap s.a.w ny farmaya wo aisy log hongy jo dam talab nahi karty bad shagoni nahi pakarty aur dag nahi lagwaty balkah apny rab par tawakkl rakhty hain...!!!"

Kabira Gunahon sy bachna:

Sayadna Abu Ayyub Ansari sy marwi ha ky Rasool Allah s.a.w ny farmaya: "Jo shakhs (qayamat ky din us hal mein) aaya ky wo Allah tala ki ibadat karta tha, usky sath shirk nahi karta tha, nimaz qaim karta tha, zakat ada karta tha, ramzan ky rozy rakhta tha aur kabeera gunahon sy bachta tha to yaqenan usky liye jannat hai...!!!"

Bakasrat Jannat ka Sawal karna:

Sayyadna Ans bin Malik r.a sy marwi ha woh bayan karty hain ky Rasool Allah s.a.w ny farmaya: "Jo shakhs teen martaba jannat ka sawal kary to jannt kahti hai, Ay Allah isy jannt mein dakhil kar dy...!!!"

Sorat Mulk ki Tilawat karna:

Sayadna Abu Huraira r.a sy marwi hai woh bayan karty hain ky Nabi-e-Kareem s.a.w ny farmaya: "Quran majeed mein aik aisi sorat ha jiski tees (30) Ayat hain yani (sorat mulk) us ny (Allah ky haan) aik admi ki sifarish ki pas us ko aag nikalwa kar, jannat mein dakhil karwa diya...!!!"

Bteiyon ki Parwarish karna:

Sayadna Ans r.a sy marwi ha wo bayan karty hain ky Rasool Allah s.a.w ny farmaya: "Jis ny do larkion ki parwarish ki main aur wo in dono (unglion) ki tarha jannat mein dakhil hongy aur Aap ny yeh kahty howey apni dono ungliyon ki taraf ishara kiya...!!!"

Maan ki Khidmat karna:

Sayadna Muawia bin Jahima Aalmi r.a sy marwi ha ky jahima nabi-e-kareem s.a.w ki khidmat mein hazir howey to Aap ny daryaft farmaya: "Diya teri maan zinda hai? unho ny kaha "Haan" Aap s.a.w ny farmaya: "Uski khidmat kiya karo usky kadmo taly jannat hai...!!!"

Baap sy Husn-e-Salook karna:

Sayadna Abu Darda r.a sy marwi hai woh bayan karty hain ky Rasool Allah s.a.w ny farmaya: "baap jannat mein dakhly ka sab sy bahtreen darwaza ha aur tum is darwazy ko nafarmani aur bury salook ky zarye zaya kar lo itaat-o-farmabardari ky zarye us ko mahfooz karlo...!!!"

Nabaligh Bachon ki Wafat par sabar karna:

Sayadna ans bin malik r.a sy marwi ha woh bayan karty hain ky rRasool Allah s.a.w ny farmaya: "Jis musalman ky bhi teen nabaligh bachy mar jaein to Allah Tala un bachon par apny fazlo rahmat ki waja sy usey jannt mein dakhil farma dengy...!!!"

Kasrat sy Astagfar karna:

Sayadna Abdullah bin basar r.a sy marwi ha wo bayan karty hain ky Nabi Kareem s.a.w ny farmaya: "Us shakhs keliye jannat ki khushkhabri ha jis ky naama aamal mein kasrat sy astagfar paya gaya...!!!"

»»  read more

Islamic Wallpapers for Facebook Hadees or Quran

Hazrat Abdullah Bin Umer r.a sy marvi ha keh Rasool Allah s.a.w ny farmaya: "Allah Taala raham karny walon par raham karta hai tum zameen walon par raham karo aasman wala tum par raham kary ga raham rahman sy mashtak ha jo shakhs rishta jory ga Allah taala usey (apni rahmat ky sath) jory ga aur jo rishta tory ga Allah tala usey (apni rahmat sy) torr dy ga...!!!"

Mahboob sy Mahroomi par Sabar Karny waly Insan ki Fazelat:

Hadees-e-qudsi hai Allah tala farmaty hain:

"Mera woh momin banda ky jab main ahal-e-dunya mein sy uska koi mahboob tareen saathi apny pas bula lon, phir who usy Allah ka hukam samajh kar hansi khushi qabool kar ly to mery pas uska badla jannat ky siwa kuch nahi hai...!!!

Rafa Hajat ky Masail:

Abdullah bin umer farmaty hain keh Rasool Allah s.a.w peshab kar rahy they ky aik aadmi ny Aap s.a.w ko salam kiya magar Aap s.a.w ny uska koi jawab na diya is hadees sy maloom howaa ky rafa hajat ki halat mein kalam karna mukroh hai...!!!

Nabi Rahmat s.a.w ny gusal khany mein peshab karny sy mana farmaya...!!!

Bhlai Ke Kam Me Sifarish Karny Ki Fazeelat:

Allah tala ka farman hai: "Jo bhalai ki safarish kary ga wo us mein sy hissa paaye ga...!!!"

Rasool Allah s.a.w ny farmaya: "Sifarish karo tumhain ajar ata kiya jaye ga...!!!"

Quran ki Tilawat:

Allah tala ny farmaya: "Aur jab quran parha jaya kary to uski taraf kan laga diya karo aur khamosh raha karo umeed ha ky tum par rahmat ho...!!!"

Aur Quran ko thahar thahar kar parha kar...!!!

»»  read more

Hadees ke Hawala se Waldain ki Nafarmani or Uski Saza in Urdu Tarjuma

Waldain ka na farman Jahanumi hai:

Umer Bin Marah r.a bayan karty hain keh aik aadmi Nabi Kareem s.a.w ki taraf aaya us sy kaha ay Allah ky Rasool s.a.w! main gawahi deta hun ky Allah ky siwa koi mabood barhaq nahi aur aap Allah ky Rasool hain aur main panch nimazein parhta hun apny maal ki zakat deta hun aur ramzan ky rozy rakhta hun Aap s.a.w ny farmaya: "Jo is par (yani mazkora aamal par) mar jaye woh qayamt ky din anbia siddeqein (intahai sachy) aur shohada ky sath is tarha hoga aur Aap s.a.w ny do unglion ko khara kiya jab ky us ny waldain ki Nafarmani na ki hogi...!!!"

Waldain ka Nafarman Jannat mein Dakhil nahi Hongy:
Abdullah r.a farmaty hain ky Rasool Allah s.a.w ny farmaya: "Qayamat ky din teen aadimion ki taraf Allah Tala nahi dekhy ga:"

1: Waldain ka Nafarman.

2: Mardon ki Mushabihat karny wali Orat.

3: Deos.

»»  read more

Duniya or Akhirat ki Zindagi Hadees-e-Mubarka in Urdu Tarjuma

Dunya ki Zindagi:

"Allah jis keliye chahata ha rizq kushada kar deta ha aur (jis keliye chahata ha) tang karta aur wo dunya ki zindagi par khush ho gaye hain halan ky dunya ki zindagi aakhrat ky mukabla mein thory sy saaman ky ilawa kuch nahi...!!!"

Hadees mein aata ha ky dunya ki hasiat aakhrat ky muqably mein aisy ha jaisy koi aadmi apni ungli samander mein dal kar nikaly aur dekhy samandar ky pani ky muqably mein uski ungli mein kitna paani aaya hai...!!!

»»  read more

Islamic Inspirational Hadees and Ayaat about Namaz in Urdu Translation

Masajid ki taraf jana:

Hazrat Abu Huraira sy Riwayat ha keh Allah ky Rasool s.a.w ny farmaya: "Jis ny apny ghar mein paaki hasil ki phir Allah ky gharon mein sy kisi ghar ki taraf Allah taal ky faraiz mein sy kisi fareza ki adaigi ki khatir chala to us ka aik naqsh-e-kadam aik gunah ko mitata ha aur dosra aik darja buland karta hai...!!!"

Masajid ki taraf jana:

Aur Jabir Bin Abdullah r.a sy riwayat ha woh bayan karty hain ky hamary makanat masjid sy door aik gosha mein they chunachy ham ny apny makanat farokhat kar ky masjid sy qareeb aabad hony ka irada kiya to Allah ky Rasool s.a.w ny ham ko us sy mana farmaya aur kaha: "keh tumhary har kadam ky badla darja hai...!!!"

Masjid me Guftago karna:

Jabir bin samra r.a bayan karty han ky ham Rasool Allah s.a.w ki majalis mein betha, karty they aap subh ki nimaz parhny ky baad soraj ky nikalny tak masjid mein bethty, jab soraj taloo hota to aap (jany keliye) khary hoty, ham (masjid mein) zamana-e-jahiliat ky muamlat ka zikar karty (guftago ky doran) ham hansty bhi they aur muskuraty bhi...!!!

Nimaz ki Ahmiat:

Bureeda r.a riwayat karty hain ky Rasool Allah s.a.w ny farmay: "Hamary aur munafiqon ky darmian ahad Nimaz ha jis ny nimaz chor di pas usny kufar kiya...!!!"

Khof-e-Ilahi sy rona:

Aap s.a.w raat ki nimaz mein Allah Tala ky dar sy buhat roty they hazrat bilal ny aik dafa Aap s.a.w sy poocha "Allah ky Raool! Aap kiun roty hain? jab ky Allah ny Aap ky agly pichly sab gunah bakhsh diye hain. Aap s.a.w ny farmaya:

"Kiya main Allah ka shukar guzar banda na bano? Aaj Rat mujh par aik azeemushan aayat utri ha afsos us par jo usey parhy magar ghor-o-fikar na kary."

"Bila shuba zameen-o-aasman ki takhleeq aur din rat ki gardish mein aqal mand logo keliye beshumar nishanian hain...!!!"

Nimaz ky liye jany mein jaldi karna:

Hazrat Abu Huraira r.a sy riwayat ha keh Allah ky Rasool s.a.w ny farmaya: "Azan aur pahli safa ka sawab agar logo ko malom hota to woh qurandazi karty aur agar waqat nimaz parhny ki fazeelat sy log wakif hoty to aik dosry par sabkat ly jany ki koshish karty...!!!"

Rasool Allah s.a.w ny farmaya:

"Hamary aur kafiro ky darmian farq nimaz ha jis ny nimaz chor di us ny kufar kiya."

"Musalman aur kufr-o-shirk ky darmian farq nimaz hai...!!!"

Rasool Allah s.a.w ny farmaya:

Hazrat abdullah bin umer bin al aas sy riwayat ha keh: "Nabi  Pak S.A.W ny aik roz aik nimaz ka zikar kiya aur farmya: "Jis ny is nimaz ki pabandi ki rozy qayamat us ky samny aik roshni hogi aur burhan hogi aur jahanum sy aazadi ka parwana mily ga aur jis ny is ki pabandi na ki wo roshni o burhan sy mahroom kar diya jaye ga aur jahanum uska thikana bany gi aur rozy qayamat wo Qaaron, Firon, Haman aur Ubi bin khalf ky sath hoga...!!!"

Nimaz aur sabar sy madad talab karna:
"Aey iman walon sabar aru nimaz ky zarye sy madad chaho Allah taala sabar walon ka sath deta hai...!!!"

»»  read more