Islamic Inspirational Hadees and Ayaat about Namaz in Urdu Translation

Masajid ki taraf jana:

Hazrat Abu Huraira sy Riwayat ha keh Allah ky Rasool s.a.w ny farmaya: "Jis ny apny ghar mein paaki hasil ki phir Allah ky gharon mein sy kisi ghar ki taraf Allah taal ky faraiz mein sy kisi fareza ki adaigi ki khatir chala to us ka aik naqsh-e-kadam aik gunah ko mitata ha aur dosra aik darja buland karta hai...!!!"

Masajid ki taraf jana:

Aur Jabir Bin Abdullah r.a sy riwayat ha woh bayan karty hain ky hamary makanat masjid sy door aik gosha mein they chunachy ham ny apny makanat farokhat kar ky masjid sy qareeb aabad hony ka irada kiya to Allah ky Rasool s.a.w ny ham ko us sy mana farmaya aur kaha: "keh tumhary har kadam ky badla darja hai...!!!"

Masjid me Guftago karna:

Jabir bin samra r.a bayan karty han ky ham Rasool Allah s.a.w ki majalis mein betha, karty they aap subh ki nimaz parhny ky baad soraj ky nikalny tak masjid mein bethty, jab soraj taloo hota to aap (jany keliye) khary hoty, ham (masjid mein) zamana-e-jahiliat ky muamlat ka zikar karty (guftago ky doran) ham hansty bhi they aur muskuraty bhi...!!!

Nimaz ki Ahmiat:

Bureeda r.a riwayat karty hain ky Rasool Allah s.a.w ny farmay: "Hamary aur munafiqon ky darmian ahad Nimaz ha jis ny nimaz chor di pas usny kufar kiya...!!!"

Khof-e-Ilahi sy rona:

Aap s.a.w raat ki nimaz mein Allah Tala ky dar sy buhat roty they hazrat bilal ny aik dafa Aap s.a.w sy poocha "Allah ky Raool! Aap kiun roty hain? jab ky Allah ny Aap ky agly pichly sab gunah bakhsh diye hain. Aap s.a.w ny farmaya:

"Kiya main Allah ka shukar guzar banda na bano? Aaj Rat mujh par aik azeemushan aayat utri ha afsos us par jo usey parhy magar ghor-o-fikar na kary."

"Bila shuba zameen-o-aasman ki takhleeq aur din rat ki gardish mein aqal mand logo keliye beshumar nishanian hain...!!!"

Nimaz ky liye jany mein jaldi karna:

Hazrat Abu Huraira r.a sy riwayat ha keh Allah ky Rasool s.a.w ny farmaya: "Azan aur pahli safa ka sawab agar logo ko malom hota to woh qurandazi karty aur agar waqat nimaz parhny ki fazeelat sy log wakif hoty to aik dosry par sabkat ly jany ki koshish karty...!!!"

Rasool Allah s.a.w ny farmaya:

"Hamary aur kafiro ky darmian farq nimaz ha jis ny nimaz chor di us ny kufar kiya."

"Musalman aur kufr-o-shirk ky darmian farq nimaz hai...!!!"

Rasool Allah s.a.w ny farmaya:

Hazrat abdullah bin umer bin al aas sy riwayat ha keh: "Nabi  Pak S.A.W ny aik roz aik nimaz ka zikar kiya aur farmya: "Jis ny is nimaz ki pabandi ki rozy qayamat us ky samny aik roshni hogi aur burhan hogi aur jahanum sy aazadi ka parwana mily ga aur jis ny is ki pabandi na ki wo roshni o burhan sy mahroom kar diya jaye ga aur jahanum uska thikana bany gi aur rozy qayamat wo Qaaron, Firon, Haman aur Ubi bin khalf ky sath hoga...!!!"

Nimaz aur sabar sy madad talab karna:
"Aey iman walon sabar aru nimaz ky zarye sy madad chaho Allah taala sabar walon ka sath deta hai...!!!"

»»  read more

Islamic Dua, Hadees and Quotes in Urdu Pictures

Daja Shahadat Tak Rasai:

Hazrat Aysha (R.A) ny Rasool Allha (S.A.W) sy daryaft kiya kiya koi shakhs bagair shahadat ky shaheedon ky sath ho sakta ha Hazoor (S.A.W) ny irshad farmaya jo shakhs din ya raat mein 20 dafa mot ko yaad kary wo shaheed mein ho sakta ha aik dosri hadees mein ha jo shakhs rozana 25 martaba yeh alfaz parhy woh shaheedon ky darjon mein ho sakta ha...!!!

Aik fori kalma-e-magfirat:

Hazrat Anas (R.A) sy riwayat ha ky aanhazrat (S.A.W) ny farmaya jo shakhs nimaz ky baad ye alfaaz kahy woh is haal mein khara hoga ky uski magfirat ho chuki hogi...!!!

Nimaz-e-jumma chorny ki waeed:

Mafhom-e-hadees Rasool Allah (S.A.W) ny farmaya: Log jumma ki nimaz chorny sy baaz aajein nahi to Allah in ky dilon par mohar laga dy ga phir wo gafilon mein sy ho jaein gy...!!!

Beqarari ki dua:

Ay ALLAH tery siwa koi maabod barhaq nahi tu pak ha beshak main hi zalimon mein sy hon...!!!

Islamic urdu hadees Hazoor akram (S.A.W) ny farmaya: ALLAH jis ky sath bhalai chahata ha usey deen ki samajh ata kar deta ha...!!!

Lazatton ko khatam karnay wali MOT ko kasrat sy yaad kiya karo...!!!

Tum mein bahtareeb shakhs woh ha jis ny quran seekha aur dosor ko sikhaya...!!!

Nimaz ko mat chorna zindagi ki saari barkat isi mein ha apni nazar ki hifazat karna gunah ki bunyad yahein sy shuro hoti ha...!!!

LOGO:

Aayat apny PARWARDIGAAR sy daro ky qayamat ka zalzala aik hadisa-e-azeem hoga...!!!

Dilon ky jhukany sy hoty hain aabad ghar KHUDA ky

Sirf sajdon sy nahi sajti weeran masjedein kabhi...!!!

Hazar sajdy zameen-e-haram py hon lekin hasil rooh-e-ibadat nahi to kuch bhi nahi bata diya ha Nabi Pak (S.A.W) ky taweel sajdy ny Husaain tujh sy muhabbat nahi to kuch bhi nahi...!!!

Jis khuwab mein ho jaaye deedar-e-Nabi (S.A.W) hasil

Ay ishq kabhi ham ko bhi wo neend sula dy (Aamin)...!!!

Khurseed shar-e-sham kahan jata hai

Roshan ha daber par jahan jata hai,

Magrib hi ki janib to ha qabr-e-haider

Yeh shama jalany ko wahan jata ha...!!!

Meri aankhon sy tery zikar ki taiz barish ho!

Main hun pathar, mujhy insan bana dy MOLA....!!!

Dunya ka sab sy khobsurat poda muhabbat ka ha jo zamin mein nahi balkah dilon mein ugta ha...!!! (Hazarat Ali R.A)

Meri Khatain Bhakhsh De.

Wesy to khataein howi mujh sy beshumar

Kuch aisi khataein jin ko dohraya mainy bar bar

Mujh py tu apna khasosi karam kar day

Mujhy neeki ky rasty par sar garam kar dy

Teri qasam ab zindagi sy na uktaoun ga

Tu to bahtar samjhy ga us ko apnaoun ga

Tu rok sakta ha jab itni chalti howi hawaoun ko

Bakhsh dy mery mola meri khataoun ko...!!!

»»  read more

Allama Iqbal Motivational Poetry Pictures in Urdu on Life

Qowatt-e-ishq sy har past ko balaa kar d,

Dahar mein ism-e-Muhammad sy ujala kar day...!!!

Shaheen kabhi parwaz sy thak kar nahi girta,

Pur dam ha agar tu, to nahi khatra-e-aftada...!!!

 Na thi jab apny haal ki khabar dekhty rahy logo ky aib-o-hunar,

Phir jab parri apny hi gunaho par nazar to nigaah mein koi aur bura na raha...!!!

Raah-e-muhabbat mein ha kon kisi ka rafique,

Saath mery rah gai aik meri aarzoo...!!!

Sony do agar wo so rahy hain gulami ki neend me,

Hosakta ha woh khuwab aazadi ka dekh rahy hon...!!!

Subha ko baag mein shabnam parrti ha faqat is liye,

Keh patta patta kary tera zikar bawuzo ho kar...!!!

Uqabi rooh jab bedar hoti ha jawano mein,

Nazar aati ha un ki apni manzil aasmano mein...!!!

Yeh faizan-e-nazar tha ya ky maktab ki karamat thi,

Sikhaye kis ny ismail ko aadab-e-farzandi...!!!

Parwany ko charag ha bulbul ko phool bas,

Siddique ky liye ha khuda ka RASOOL S.A.W bas....!!!

Shikwa.

Baroz mahshar mein bekhof ghus jaoun ga jannat me

Wahan sy aay they aadam woh mery baap ka ghar hai...!!!

Jawab-e-Shikwa.

In aamal ky sath jannat ka talab gar ha kiya?

Wahan sy nikaly gaye aadam to teri okat ha kiya...!!!

Lab py aati ha dua ban ky tamanna meri

Zindagi shama ki soorat ho khudaya meri ho,

Mery dam sy younhi mery watan ki zeenat

Jistarha phool sy hoti ha chaman ki zeenat...!!!

»»  read more

Allama Iqbal Inspirational Poetry Collection about Life, Study and Islam in Urdu images

Afrad ky hathon mein ha aqwam ki takdeer

Har fard ha millat ky muqaddar ka sitara,

Dein hath sy dekar agar aazad ho millat

Hai aisi tijarat mein musalmano ka khasara...!!!

Ilm me bhi saroor ha lekin,

Yeh woh jannat ha jis mein hoor nhi...!!!

Kafir ha shamsher py karta ha bharosa,

Momin ha to beteegh bhi larrta ha sipahi...!!!

Khamosh ay dil bhari mahfil mein chillana nahi acha,

Adab pahla qareena ha muhabbat ky qareeno mein...!!!

Khudi ko jis ny falak sy buland tar dekha,

Wahi ha mumlikat-e-subha-o-shaam sy aagah...!!!

Khudi ko kar buland itna ky har taqdeer sy pahly,

KHUDA bandy sy khud pochy bata teri raza kiya hai...!!!

Kis qadar tum py giraan subha ki bedari hai,

Ham sy kab piyar ha haan neend tumhain piyari hai...!!!

Aazan to hoti ha ab magar nahi koi moazzin bilal sa,

Sar basajda to hain momin magar nahi koi zuhra ky laal jaisa...!!!

Agar lahoo ha badan mein to khof ha na hiraas

Agar lahoo ha badan mein to dil ha be waswaas,

Jisy mila yeh mataaye giraan baha usko

Na seem-o-zar sy muhabbat ha na gham-e-aflaas...!!!

Baat sajdon ki nahi khalos-e-dil ki hoti ha IQBAL,

Har mekhany mein sharabi aur har masjid mein namazi nahi hota...!!!

Buton sy tujh sy umeedein KHUDA sy nomedi,

Mujhy bata to sahi aur kafiri kiya hai...!!!

»»  read more

Islamic Quotes, Hadees and Sayings SMS in Urdu with Pictures for Facebook Posts

Aey Allah main tery naam sy din ka aagaz kar raha hon mera aur tamam musalmano ka sara din acha guzray aamin...!!!

Gunahon Ka Boojh Halka Kijiaey.

Hazrat abdullah bin umer (R.A) farmaty han ky mainy rasool Allah (S.A.W) ko ye irshad farmaty howey suna:

"Jab koi shakhs nimaz keliye khara hota to usky gunah usky sar aur kandhon par rakh diye jaty jab jab wo rakoo aur sajdy mein jata to wo gunah girty rahty hain....!!!"

Kabhi kisi aisy shakhs par zulm na karo jis ky paas faryad keliye Allah taala ky siwa koi na ho...!!!

Nabi e kareem (S.A.W) ny farmaya: Anar ko usky andori chilky sameet khao kiun ky woh maidy ko saaf karta ha...!!!

Rasool Allah (S.A.W) ny farmaya:

"Hamary aur kafiron ky darmiyan farq nimaz ha jis ny nimaz chor di us ny kufar kiya...!!!"

"Musalman aur kufr-o-shirk ky darmiyan farq nimaz ha...!!!"

Aankh dunya ki har cheiz dekhti ha magar jab aankh ky andar kuch chala jaye to usey nahi dekh paati bilkul isi tarha insan dosron ky aib to dekhta ha par apny aib usy nazar nahi aaty...!!!

Badi ka moqa hoty howey badi na karna buhat bari naiki ha...!!!

Mushkilon sy larrna nahi balkah sanbhal kar guzarna seekho warna aap ki shakhsiat tabah ho jaye gi...!!!

Astaghfirullah: Mominon Tum Sab ALLAH Ke Aagy Toba Karo Takeh Falah...!!!

Chalo uska nahi Allah ka ahsaan lety hain,

Woh minnat sy na mana to mannat maan lety hain...!!!

Pareshani:

Tazkira karny say barhti rahti ha khamosh rahny sy kam ho jati ha sabar karny sy khatam ho jati ha aur Allah ka shukar ada karny sy khushi mein badal jati ha...!!!

Muhabbat me har jany par log naseeb ki baat karty hain,

Kabhi KHUDA sy muhabbat ki hoti to ye shikayat na hoti...!!!

Kisi sy itni nafrat na karo ky kabhi milna parry to mil na sako

AUR

Kisi sy itni muhabbat bhi na karo ky kabhi tanha jeena parry to ji na sako...!!!

Wabasta hain meri zindagi ky rabty jin sy,
Ay ALLAH
Un ko apni rahmaton sy sada khush rakhna aamin...!!!

Sachy aur amanat dar tajir ki fazeelat:

"Nabi-e-kareem (s.a.w) ny farmaya sacha aur imaan dar tajir nabion siddiqo aur shaheedon ky sath hoga...!!!

Allah ka zikar karty raha karo chahy ghar mein ho ya raasty mein

KIUNKEH

Jis cheiz ky saamny Allah ka zikar karo gy chahy wo pather phool darakht ya kuch bhi ho qayamat ky din gawahi degi keh

Ya ALLHA! tera ye banda tery zikar mein mashgool rahta tha....!!!

Hzrat Ali: Namaz Keliay Susti Imaan Ki Kamzori Ki Alamat Hai...!!!

»»  read more