wo kehta hai

wo kehta hai

usey phooln ki chahat hai

magar jab phool khiltey hain

wo un ko torr deta hai !!

wo kehta hai

usey barish ka mausam acha lagta hai

magar jab barish hoti hai 

wo kamrey main afsurda sa ho kar beth jata hai!!

wo kehta hai

hawaain ishq hain us ka

hawa lekin chaley jab tu

wo khirrki band rakhta hai!!!

MJHE AB DAR SA LAGTA HAI

WO JAB B YE KEHTA HAI

USSEY MJH SE MUHABBAT HAI.