Maan liya sach kehti ho

Maan liya sach kehti ho..

Mujh se Mohabat karti ho..

Meray khawabo'n ki duniya mein rehti ho..

Meri Yaad ke Aalem...

Door Khilaa mein...

Akser takti rehti ho..

Din socho'n mein kat jata hai..

Raat ko neend nahi ati..

Ek Ek tara ginti ho..

Ye bhi sach hai...!!

Apney Hussn ki barish se..

Meri zeest ka sehra..

Jal-Thal ker do ge..

Jeevan bhar sukh banto ge..

Lekin.......!

Aye masoom Larki !!

Main bebus hoon..

Chahoo'n bhi to...

Sath tumara dey nahi sakta..

Meray Dukh ki Duniya Tanhaa..

Meray Sukh ki Bat alag hai..

Kis Omeed pe, Kis Barta (Barta= Bharosa)  per..?? 

Mera Daman thamo ge..

Meray hath ki toti-photi..

Tirchi Lakire'n ghaor se dekho..

!.inn mein Tumara naam nahi hai....!

»»  read more

Chalo Ik Or Dunya Mein Tumhare Saath Chaltey Hain

Chalo Ik Or Dunya Mein

Tumhare Saath Chaltey Hain,

Jahan Halaat kuch Bhi Hoon

Magar Hum Saath Rehtey Hoon,

Jahan Mousam koi Bhi Ho Judai ka Na Ho Lekin,

Jahan ka Chaand Bhi Tum Ho,

Jahan Sooraj,

Hawa,

Khushboo,

Or Gullon ka Rang Tum Se Ho,

Jahan Per Dil Dharkney ka Her Ik Ehsas Tum Se Ho,

Jahan Per Merey Jeeney ki

Saari Aas Tum Se Ho,

Chalo Ik Or Dunya Mein

Tumharey Saath Chaltey Hain..!!

»»  read more

Chalo tum theak kehtay ho

Chalo tum theak kehtay ho

Muhabbat aur syaasat main,

Sabhi atwaar jaayiz hain,

Chalo hum maan letay hain,

Magar ye jang kaisi hai,

Tum hi mere muqabil ho,

Chalo hum jeet ki khawahish,

Tum hi pe waar detay hain,

Dhanak k pull pe chal k hum,

Gagan k paar jaatay hain,

Chalo hum haar jaatay hain...!

»»  read more

Tum ne apni chahaton ka iqrar manga hai to suno!

Tum ne apni chahton ka iqrar manga hai

to suno!

Dil k sache jazbe

izhar k muhtaj nahi hote

ye to wo jazbe hain jo jugnu ban ker ankhon mein chamkte hain

honton k narm goshon mein reh k

dil mein baste hain

tum mujh mein isi tarha samaye huye ho

k jaise

phool mein khushbu

taron mein chamak

titli mein rang

mera tumhara rishta atoot hai

jism.o.jan ka hai

jo jura rahe to zindagi

or toot jaye to moot.

»»  read more

Yeh thaka thaka sa jo chaand hai

Yeh thaka thaka sa jo chaand hai,

Yah tou khawb hai,kisi aankh ka,

Jissay jaagnay ki saza mili,

Yeh jo chaand hai,yeh azaab hai,

Woh azaab,

jis ney mila dia hai gulaab lamhon ko khak mein,

Yeh jo chaand hai,yeh jawaab hai,

Kisi is tarah kay sawaal ka,

Kah jo aaj tak na utha kabhi kisi zahn mein,

Yeh jo chaand hai,

Yeh tou baab hai kisi dard ka,

Kisi hijr ka,kisi wasl ka,

Kisi zard zard si fasl ka,

Yeh takha thaka sa jo chaand hai,

Kabhi ban paray tou yeh is sey pooch k dekhna,

Issay gahri gahri si neend sey,

Bhala kis ney aa kay jaga diya?

Issay rog kis ney laga diya.....?

»»  read more

Dil soch ka pinjra hai

Dil soch ka pinjra hai

ik bar hi khulta hai

dil payar ka soda hai

ik bar hi tulta hai

dil yaad ka badal hai

be had barsta hai

dil payar ka bhoka hai

apnon ko tarsta hai

dil mooj ka darya hai

seene se nikalta hai

dil dil baraf ka tukra hai

jamta na pighlta hai

dil seep ka moti hai

nazron main chamakta hai

dil payas ka darya hai

be simat hi behtahe

dil dard ka tukra hai

..be cheen sa rahta hai...

»»  read more

jo rothe use mana leena

jo rothe use mana leena...

jo bigre use bana leena..

sab kuch de k sab kuch pa leena.....

ya jo hasti ka afsaana hai...

jab ishq kiya to jana hai...

tum dor raho ya paas raho...

ham chahte hain khush baash raho..

youn hi ban k hamari aas raho..

kion kho kar hi kuch pana hai...

jab ishq kiya to jana hai...

ye ishq hamari marzi ye...

ishq hamari majbori...

yahi ishq hamari manzori..

kion soli par charh jane hai...

jab ishq kiya to jan hai...

...jab ishq kiya to jana he...

»»  read more

Barishon ka mosam hai

Barishon ka mosam hai

Rooh ki fizaon mein.

Gamzada hawaein hein.

Besabab udasi hai

Is ajeeb mosam mein.

Beqrar raton ki.

Beshumar batein hein.

An ginat afsaney .

hein Jo bohat khamoshi sey.

Dil pey sehtey phirtey hein.

Or ba amr-e-mjboori.

Sab sey kehtey phirtey hein.

"Aaj mosam acha hai"...

»»  read more

Neya saal aya...!!

Neya saal aya...!!

Veera'n subho'n ki Neeli teho'n se obhrta..

Kheyyaba'n-o-Dasht-o-Jabal ki Thatharti khamoshi me..

Barfeeli seeti bajata..

Dabey paao'n aya..

Yukh Aalooda shamo'n ki khamoshia'n..

Oss ke Qadmo'n ki Aahat sametey...

Guzr-gaho'n per, saybano'n me, Noha kina'n hain..

Der ati hi sham ko, Daricho'n ki Dararo'n se...

pur-shor Jhonko'n ki be-mohr Thandak..

Brodat zada panio'n per, prindey..

Kinaro'n per Aistaadah pairo'n ki gham-nak...

shakho'n ki Janib orey ja rahey hen...

Makee'n Aangano'n me, chatto'n per..

Dharktey Dilo'n me hazaro'n kheyyalo'n ki shmaie'n jalaye..

Dabey paao'n atey hoye saal ko dekhtey hain...!!

»»  read more

Hawa sey baat karnay do

Hawa sey baat karnay do

hamein us sey gila hai jo,

usay bhi tu batana hai,

kabhi aa kar kiwaron ko bajati hai,

hamein sotay hoay aksar jagati hai,

kabhi pardes sey sandesa laati hai,k koi aanay wala hai,

magar aata nahi koi,

yeh palkon par laraztay sab charaghon ko bhujati hai,

kabhi yeh baansuri k sur jagati hai,

kabhi yeh dharkanon ki taal mein rach bas c jati hai,

puranay khushk paton ko girati hai,

parindon ko urati hai,unhein bayghar banati hai,

hawa sey baat karnay do.........

samandar k yeh seenay par,

utar k kashtiyan deykho chalati hai,

yeh charon or kese aati jati hai,

yeh kese sahilon ki rait ko dheeray se choo kar,

nit naye chahray banati hai,

phir un ko khud mitati hai,

yeh kese badalon ko PAR bina urna sikhati hai,

phir un sey lay k boondein,

aa k dharti ko sajati hai,

nafas k taar mein kese utar kar muskarati hai,

yeh kese gun'gunati hai,

yeh kese chalti hai aur kis tarah sey tham c jati hai,

hawa sey baat karnay do......

»»  read more

Mein maa hoon elm hai mujh ko

Mein maa hoon elm hai mujh ko,

Mera bacha,

Mujhay kab,kyun bulata hai,

Rulati hai ussay kia bat,kis pal muskarata hai?

Woh kab aaram karta hai,woh kese khilkhilata hai,

Mein maa hoon elm hai mujh ko,

Magar jab yeh bara ho ga,

Mujhay yeh kuch bataye ga,

Yeh kuch mujh sey chupaye ga,

Yeh samjhay ga k maa ko kia khabar is ki,

Woh ghar baithay bhala kia jaan paye gi?

Woh ghar takheer sey aa kar bahanay jab banaye ga,

Mein sab kuch jaan kar anjaan ban jaoon gi us lamhay,

Kah yeh har maa ki fitrat hai,

Mera bacha yeh kese jaan sakta hai,

Kah us ki in ragon mein,MAA lahu k sath chalti hai,

Usay kanta bhi chubh jaye tu maa ka dil tarapta hai,

Woh jis jah bhi chala jaye,

Duaon k ghanay has'sar mein mehfooz hota hai,

Woh maa k dil mein hota hai,

Qadam jis pal uthata hai,

Woh jis rastay pe jata hai,

Tu thandi chaon sa aanchal bhi us k sath hota hai,

Main MAA hoon elm hai mujh ko.....

»»  read more

Meray bachay ney jab mujh sey kaha Mamma

Meray bachay ney jab mujh sey kaha Mamma!

zara jugnu mujhay la do,

mujhay titlee kay rangon ko bhi choona hai,

sitaray aasmaan par hi uggay hein kyun?

zameen par kyun nahi aatay?

mujhay bas chaand laa do,us sey khayloon ga,

mein chonk utthi,

yehi kuch mein ney apni maa sey poocha tha,

mera masoom sa bachpan,

jo mutthi sey phisal kar kho gaya shayed,

mera bacha jo mayra "AAJ" hai,

aur aanay wala ik haseen 'KAL" hai.

lahu mein is ki baton sey hi halchal hai,

yeh maira qeemti PAL hai,

mera bacha haseen tabeer ban kar samnay hai aur

maazi khawab lagta hai,

TOU KIA MEIN KHAWB SEY AAGAY NIKAL AAYEE.?????

»»  read more

Woh nafraton ke sawal kar ke

Woh nafraton ke sawal kar ke

mohabaton ke jawab maange

ye chaahton ki karri mushaqat

chalen hain tanha

shikast khurda

koi to mera bhi dard jaane

koi to uss se hisaab maange!!!!

»»  read more

Dil Udaas Rehta Hai Baarishon Ke Mausam Mein

Dil Udaas Rehta Hai
Baarishon Ke Mausam Mein
Zindgi Pighalti Hai
Khwaahishon ke Mausam Mein
Waqt Thehar Jata Hai
Muntazir Nigahon Mein
Janglon Ke Khatray Hain
Bastion Ki Raahon Mein
Ho Sake Tou Lout Aana
Pyar Ki Panahon Mein..
Ishq Ka Ijaara Hai
Dil Ki Shahraaon Per

»»  read more

Tum aksar pochtay thay na

Tum aksar pochtay thay na!!
Jo hum bichray to kiya hoga??
Tum aksar sochtay thay na!!
Na mil paey to kiya hoga??
To dekho ab bhi zinda hain…
Abhi bhi chand taktay hain…
Abhi bhi phool khiltay hain…
Abhi bhi dil k darya main hazaroo dard behtay hain…
Abhi bhi kuch nahi badla magar phir bhi kami si hai…
Tumharay baad jaana ankh main her dam nami si hai..

»»  read more

Usey ye kon samjhaey???

Usey ye kon samjhaey???
Wo dasht-e-khamoshi main…
Ungliyon main seepiyaan pehnay…
Kisi sookhay samadar ki…
Adhoori piyaas ki batain…
Buhat chup chap sunta hai…
Buhat khamosh rehta hai…
Usey ye kon samjhaey??
Khushi k eik aansu se…
Samandar bhar bhi jatay hain…
Buhat khamosh rehnay se…
Talluq mar bhi jatay hain…

»»  read more

Raat Uss ne Poocha tha Tum ko Kaisi Lagti Hai

Raat Uss ne Poocha tha
Tum ko Kaisi Lagti Hai

Chandni December ki !
Main ne Kehna Chaha Tha:

Saal-o-Maah ke Baarey mein
Guftagu ke Kya Maani ?

Chahey koi Manzir ho
Dasht ho , Sumnadar ho

June ho , December ho
Dharkanoo’n ka Har Naghma

Manzaroo’n pe Bhaari hai
Saath Jab Tumhara Ho

Dil ko Ik Sahara ho
Aisa Lagta hai, jaise

Ik Nasha sa Taari hai
Lakin Uss ki Qurbat mein

Kuch Nahi Kaha Main ne
Takti Reh gayi Mujh ko ..

»»  read more

Wo Kehta Hai Use Pholon Ki Chahat Hai

Wo Kehta Hai
Usey Pholon Ki Chahat Hai
Magar Jab Phool Khilte Hain
Wo Unko Tor Deta Hai

 Wo Kehta Hai
Usey Barish Ka Mosam Acha Lagta Hai
Magar Jab Barish Hoti Hai
 Wo Kamrey Mein Afsurda Sa Ho Ker Band Ho Jata Hai

Wo Kehta Hai
 Hawaein Ishq Hain Uski
Hawaein Lekin Chalein Jab To
Wo Khirki Band Rakhta Hai

mujhe ab darr sa lagta hai!
Wo Jab B Mujh Se Kehta Hai
Usey Mujse Mohabbat Hai.....

»»  read more

Deep jis ka sirf mehellaat hi main jalay

Deep jis ka sirf mehellaat hi main jalay
Chand logon ki khushyon ko lay ker chalay,
Wo jo saye main har maslihat kay palay;
Aisay dastoor ko,
Subh e bay noor ko,
Main nahi maanta,
Main nahi jaanta.

Main bhee kha’if naheen takhta e daar say,
Main bhee Mansoor hoon, keh do aghyaar say,
Kyun daraatay ho zindaan ki divar say,
Zulm ki baat ko,
Jehel ki raat ko,
Main nahi maanta,
Main nahi jaanta.

Phool shaakhon pay khilnay lagay tum kaho,
Jaam rindon ko milnay lagay tum kaho,
Chak seenon kay silnay lagay tum kaho,
Iss khulay jhoot ko,
Zehan ki loot ko,
Main nahi maanta,
Main nahi jaanta.

Tum nay loota hai sadyon hamara sakoon,
Ab na hum per chalay ga tumhara fasoon,
Chara gar main tumhain kiss tara say kahoon?
Tum naheen charaagar,
Koi maanay magar,
Main nahi maanta,
Main nahi jaanta.

»»  read more

Mein tanha tha ?Magar kal shab

Mein tanha tha ?
Magar kal shab ?
meri awaargi ….. achi lagi mujh ko ?
mery humraah thak kar saans leti ?
ik nad…… achi lagi mujh ko ?
udasi aordhti shakhon say lamhon ki tarha ?
jhartay huay pattay …….?
shgoofon ki bujhi khushboo?
hawa ki chal-e-awara…..?
fiza ka bankpan ….. pehlay huay malboos-e-bekhwabi?
gali kochon mein qehat -e-shor-e-dildaraN?
sitaron ki quba mein ….. teergi k be sabab tankay?
khala sunsaan!!!!!!!?
jesay maqtlon mein nachtay …. be an’nt sannatay ke ?
lau jhankay,,,,,,,,?
brahna paidr , jesay estaadi pathron ka halqa-e-matam?
mein tanha tha ?
magar kal shab ?
firaq-e-yaar ki rut say galay milti khizaN ki “saadgi achi”?

Bohat achi lagi mujh ko…?

»»  read more