dareecha raah koi dekhta hai

dareecha raah koi dekhta hai
diya dehleez par bujhta hua hai.

na manzil hai na koi naqshe-pa hai
yahaN to faslaa hi faslaa hai.

humare sath kya-kya ho gayaa hai
mila tum se to andaza hua hai.

zamane bhar ko rusva karne wala
meri khatir bahut rusva hua hai.

banaUNga maiN us se kya bahane
wo mere sab bahane jaanta hai.

zara-si baat thi tera bichhadna
zara-si baat se kya ho gayaa hai.

kisi ki zindagi hum jii rahe haiN
humari maut koi mar rahaa hai.