Har Haqiqat Gumaan Hay Ahmed

Har Haqiqat Gumaan Hay Ahmed
Sakht Mushkil Mein Jaan Hay Ahmed,

Kiya Bigarey Gi Mera Tughyaani,
Barpa Dil Mein Toofaan Hay Ahmed,

La-Makaani Hi Sift Hay Uski,
Dil Mein Jiska Makaan Hay Ahmed,

Raah Takta Hay Koi Teri Bhi,
To Bohat Khushgumaan Hay Ahmed,

Uski Fitrat Hi Be-Emaani Hay,
Jis Pe Pukhta Emaan Hay Ahmed,

Kitna Masoom Hay Voh Ek Chehra,
Jabr Jiska Rujh-Haan Hay Ahmed....!!!