Original romantic and lovely urdu poetry

Chehrey pe merey Zulf ko Phailaao kissi Din

Kiya Roz garaj-tey ho, baras jaao kissi Din

Raazon ki tarha utro merey Dil mein kissi shab

Dastak pe merey haath ki khul jaao kissi Din

Phoolon ki tarha “husn” ki baarish mein naha loon

Badal ki tarha jhoom ke ghir aao kissi Din

Khushboo ki tarha guzro merey Dil ki gali say

Phoolon ki tarha mujh pe bikhar jaao kissi Din

Phir haath ko khairaat miley bund qaba ki

Phir Lutf -e- shab-e-wasl ko dohraao kissi Din

Guzrein jo merey ghar sey tou ruk jaaein Sitaarey

Iss tarha meri Raat ko chamkaao kissi Din

Mein Apni har aik saans ussi raat ko dey doon

Sar rakh ke merey seeney pe so jaao kissi Din

Banke Gajra Terey Baalon Mein Bikhar Jaon Mein

Misl-e-Kajal Teri Ankhaon Mein Sanwar jaon Main

Sans Banke Kabhi Nathnoan Se Kabhi Hontoan Se

Hoale Hoale Tere Seeney Mein Utar Jaon Main

Arzo Dil Ki Merey Jaan-e-Wafa Bass Hai Yehi

Terey Hontoan Pe Hansi Banke Nikhar Jaon Mein

Mar Ke Bhi Saath Rahe Teram Bas Ek Iske Liye

Khoon Banke Teri Rag Rag Mein Utar Jaon Mein