Hamesha Sath Mein Rehne Ki

Hamesha Sath Mein Rehne Ki 

Aadat Kuch Nahi Hoti,

Jo Lamhe Mil Gaye Jee Lo

Riyazat Kuch Nahi Hoti,

Kai Rishton Ko Jab Parkha

Nateeja Aik Hi Nikla,

Zaroorat Hi Sabhi Kuch Hai

Mohabbat Kuch Nahi Hoti,

Kisi Ne Chor Kar Jana Ho

To Phir Chor Jata Hai,

Bicharna Ho To Sadion Ki

Rafaqat Kuch Nahi Hoti,

Ta'luq Toot Jaye To

Safeene Doob Jate Hain,

Ye Sab Kehne Ki Batain Hain 

Haqeeqat Kuch Nahi Hoti.....!