Tere daman ke hawa mangate hain

Tere daman ke hawa mangate hain

hum bhi jine ke dua mangate hain

mutribo koi achuta nagma

saz aahang-o-sada mangate hain

mah-o-anjum ke jharoke aksar

kisi ke aariz ke dua mangate hain

phir patangon mein khudai jagi

shole hashr-numa mangate hain

banda-paravar koi khairat nahi

hum vafaon ka sila mangate hain

maikada ho ke kalisa “sagar”

sari duniya ka bhala mangate hain

»»  read more

Dua nahin to gila deta koi

Dua nahin to gila deta koi 

meri wafaon ka sila deta koi. 

jub muqaddar hi nahin tha apna 

deta bhi to bhala kya deta koi. 

haasil-e-ishq faqat dard hai 

aye kaash pehle hi bata deta koi. 

taqdeer nahin thi gar aasmaan chhoona 

khaaq mein hi mila deta koi. 

bewafa bhi humen bewafa kah gaya 

isse jiyada kya daga deta koi. 

gumaan hi ho jata kisi apne ka 

daaman hi pakad kar hila deta koi. 

arse se atka hai hinchkiyon pe dum 

achchha hota jo bhula deta koi. 

ye to ro ro ke kat gayee "sagar" 

kya hota agarche hansa deta koi

»»  read more