Katoon Si Chubhti Hai Tanhai

Katoon Si Chubhti Hai Tanhai

Angaroon Si Sulagti Hai Tanhai

Koi Aa Kar Hum Dono Ko Hunsa De

Main Rota Hoon Rone Lagti Hai Tanhai

Jab Bhi Tere Hisar Se Nikalna Chaha

Yaadoon K Beej Bone Lagti Hai Tanhai

Raat K Kisi Hise Main Yeh Bhi Bewafa Ho Jati Hai

Main Nahi Sota Sone Lagti Hai Tanhai

Tum Se Judaa Ho Kar Is Se Hi Dil Laga Lia Hai

Mar Sa Jata Hoon Jab Khone Lagti Hai Tanhai

»»  read more

ab raat ki nagin dasti hai

ab raat ki nagin dasti hai

Nas nas main zahar utarta hai

Jab chand ki kirnain tezi se

Is dil ko cheer k aati hai

Jab aankh k andar hi aanso

Zanjeeroon se bandh jatey hain

Sab jazboon pe chaa jatey ho

TAB YYAD BOHAT TUM AATEY HO

Jab darad ki jhanjhar bajti hai

Jab raqas gamoon ka hota hai

Khawaboon ki taal pe saredukh

Wehshat ke ssaz bajatey hain

Gatey hain wahshat ki le main

Masti main jhomtey gatey hain 

Sab jazbonn pe chaa jatey ho

TAB YYAD BOHAT TUM AATEY HO

»»  read more

DIL ko kisi ahat ki aas rehti hai (fozia saeed)

DIL ko kisi ahat ki aas rehti hai

nigha ko kisi sorat ki pyas rehti hai

tere bgar kisi cheez ki kami to nahi

bus tabiyat udass rehti hai

(fozia saeed)

»»  read more

Safar Tanha Nahi Karte

Safar Tanha Nahi Karte 

Suno Aisa nahi karte..

Jise Shafaf Rakhna ho

usay maila nahi karte..

Tumari Ankhoo ko parhte hain

tume dekha nahi karte .....

ye unchay pairr kesy hain

ye kahi saya nahi karte..

bohat ujray hoye ghar par

bohat socha nahi karte..

tumari Ankhein ijazat de ager

to hum kya kya nahi karte..

chalo tum raaz ho apna

tume Afshaan nahi karte..

sehar se puch lo mohsin 

ke hum soya nahi karte..

»»  read more

Hum ghoom chukay basti bun main

Hum ghoom chukay basti bun main

Ik aas ki phaans liyay mun main

Koi sajan ho koi piyara ho

Koi deepak ho koi tara ho

Jab jeevan raat andhairee ho

aik baar kaho tum meri ho

Jab sawan badal cha'ay hoon

Jab phagan phool khila'ay hoon

Jab chanda roop luTata ho

Jab sooraj dhoop nahata ho

Ya shaam nay bastee ghairee ho

Aik baar kaho tum meri ho

Haan dil ka daman phaila hai

Kiyun goree ka dil maila hai

Hum kab tak peet kay dhokay main

Tum kab tak door jharokay main

Kab deed say dil ko sairee ho

Aik baar kaho tum meri ho

Kiya jhagd.ra sood Khasaray ka

Yeh kaaj naheen banjaray ka

Sab sona ropa lay ja'ay

Sab duniya, duniya lay ja'ay

Tum aik mujhay buhtairee ho

Aik baar kaho tum meri ho

»»  read more

aaj gum sum hy jo barbaad jazeeroN jesi

aaj gum sum hy jo barbaad jazeeroN jesi.

uski ankhoN mn chamuk thi kabi heeroN jesi.

kitny mughroor paharoN k badan chaak hoey,

taiz kinaroN ki jo baarish hoi teeroN jesi.

jis ki yadoN sy kheyaloN k khazaany dekhy,

uss ki soorat bhi aaj dekhi faqeeroN jesi.

chahteN lub per machulti larki ki terha,

husrateN aankh main zindaan k aseeroN jesi.

hum aana parust tung dust bohat hen lekin,

ye alag baat k aadut hy ameeroN jesi.

»»  read more

zindagi yun huee basar tanha

zindagi yun huee basar tanha.

kafla saath aur safar tanha.

apnay saaey say chonk jatay hain.

umr guzri hai is kadr tanha.

raat bhar boltay hain sanatay.

raat katay koi kidhar tanha.

din guzarta nahi hai logoon main.

raat hoti nahi basar tanha.

hum nay darwazay tak to dekha tha.

phir na janay gaey kidhar tanha.

»»  read more

Teri Arzo Mein Uthna

Teri Arzo Mein Uthna

Teri Justju Mein Chalna

Tujhy Bar Bar Sochna

Or Chupa Chupa Ka Rakhna

Tujhy Phol Phol Kehna

Tere Pas Pas Rehna

Tujhy Sath Sath Rakhna

Ye Hi Adtain Thiin Meri

Mazi Ka Sab Dino'n Mein

Ab

Muskara K Rona

Kabhi Ro K Muskarana

Raton Se Batein Karna

Taron Ko Kuch Sunana

Mazi Ki Adaton Par

Khud Hi Tohmatein Lagana

Khud Hi Khud Se Roth Jana

Khud Ko Dair Tak Manana

Ye Hi Mashgalay Hein Mere 

»»  read more

Tujhay Khabar Bhi Nahi

Tujhay Khabar Bhi Nahi

Ke Teri Udaas Adhoori

Mohabbaton Ki Kahaaniyan

Jo Bari Kushaada Dili Se

Hans Hans Ke Sun Rahaa Tha

Wo Shakhs Teri Sadaaqaton Par Fareefta

Baa-Wafaa, Saabat Qadam

Ke Jis Ki Jabeen Pe

Zaalim Raqaabaton Ki Jalan Se

Koi Shikan Na Aaeee

Wo Zabt Ki Karabnaak Shidat Se

Dil Hi Dil Mein

Khamosh, Chup Chaap

Mar Gayaa Hai…

»»  read more

Chand Tanha Hai Asman Tanha

Chand Tanha Hai Asman Tanha

Dil Mila Hai Kahan Kahan Tanha

Bujh Gai As Chup Gaya Tara

Thartharata Raha Dhuan Tanha

Zindagi Kya Isi Ko Kahte Hain

Jism Tanha Hai Aur Jan Tanha

Hamsafar Koi Gar Mile Bhi Kahin

Donon Chalte Rahe Tanha Tanha

Jalti Bujhti Si Raushani K Pare

Simta Simta Sa Ek Makan Tanha

Rah Dekha Karega Sadiyon Tak

Chor Jayenge Ye Jahan Tanha

»»  read more

Phir Neend Bhala Kab Aati Hai

Phir Neend Bhala Kab Aati Hai?

Jab Neend Se Ankhain Bojhal Hon,

Aur Apne Aankh Se Ojhal Hon,

Phir Neend Bhala Kab Aati Hai?

Jab Dil Mein Basne Waale Bhi,

Aur Saath Mein Hasnay Walay Bhi,

Jab Door Khahin Wo Bastay Hon,

Kisi Aur Ke Sath Wo Hanstay Hon,

Phir Neend Bhala Kab Aati Hai?

Jab Ghum Ki Raat Andhairi Ho,

Aur Us Mein Yaad Bhi TERI Ho,

Na Dil Mein Koi Ujala Ho,

Phir Neend Bhala Kab Aati Hai?

Phir Neend bhala kab ati ha..?

»»  read more

dhondnay jis mein zindagi nikli

dhondnay jis mein zindagi nikli

woh us shakhs ki gali nikili

teray lehjay mein kia nehi tha

sirf such ki zara si kami nikli

woh jo legti thi kanch ki guriya

zarb perhnay pe aahini nikli

us haveli mein shaam dhelnay per

her dereechay se roshni nikli

woh hawa tu nehi thi lerki thi

kis liye itni sirphri nikli

woh teray asmaan ka kia kerti

jis ki mitti se dosti nikli

»»  read more

Nikal Aaye Idhar Janab Kahan

Nikal Aaye Idhar Janab Kahan

Raat Ke Vaqt Aaftab Kahan

Meri Aakhein Kisi Ke Aansoo Hain

Varna In Pathron Mein Aab Kahan

Seb Khile Hain Kisi Ke Gaalon Per

Is Baras Bagh Mein Gulab Kahan

Mere Hothon Pe Teri Khushboo Hai

Chhoo Sakegi Inhe Sharab Kahan 

»»  read more

Jahan Mein Jaaun Hawa Ka Yehi Ishara Hai

Jahan Mein Jaaun Hawa Ka Yehi Ishara Hai, 

Koi Nahi Jo Yahan Muntazir TuMhara Hai, 

Meri Bujhti Hui Aankhon Ko Roshni Bakshe, 

Wo Phool Jo Tere Chehre Ka Ista'aara Ho, 

Chala Hoon Apni Hi Baaz Awaz-E-Baazgasht Pe Yun,

Kisine Door Se Jasie Mujhe Pukara Ho, 

Ganwa Chuke Kayi UMrein UMMidwaar Tere, 

Kahan Tak Aur Teri Berukhi Ganwara Ho, 

Tu Paas Aate Hue Mujhse Door Ho Jaye, 

Ajab Nahi Ke Yehi Haadsa Dobara Ho, 

Nazar Farebi-E-Rang-ChaMan Se Bach MEKHMOOR, 

Jise Tu Phool SaMajh Ke Kahin Sharara Na Ho...

»»  read more

Deed Heraan Us Gali Mai Hai

Deed Heraan Us Gali Mai Hai 

Kia Ajab Shaan Us Gali Mai Hai 

Baat Mai Jaan Se Guzar Jana 

Kitna Asaan Us Gali Mai Hai 

Aur Ek Baar Mujh Ko Janey Do 

Sara Samaan Us Gali Mai Hai 

Kia Khabar In Mehal Nasheenon Ko 

Apni Jo Aan Us Gali Mai Hai 

Kia Bataoon Hai Kia Woh Jaan Gali 

Meri Tou Jaan Us Gali Mai Hai 

Main Kahin Bhi Rahon, Kahin Jaon 

Dil Ka Reethan Us Gali Mai Hai 

Wohi Deewar O’ Dar, Woh Mera Ghar 

Wohi Dalaan Us Gali Mai Hai 

Main Jo Kafir Hon Us Gali Baher 

Mera Emaan Us Gali Mai Hai 

Us Gali Par Hon Jaan Se Qurban 

Meri Pehchan Us Gali Mai Hai

»»  read more

Sahar jo nikla meiN apnay ghar se

Sahar jo nikla meiN apnay ghar se

To daikha ek shoaKh husn waala

Jhalak wo mukh.Day pe us sanam k

K jaisey sooraj meiN ho ujaala

Woh zulfaiN us ki siyaah parcham

k jin k bal aur shikan pe yaaro

Na pahunchay sumbul, na pahunchay raihaaN,

na phunchay mohan, na pahunchay kaala

TusaaN de milnay nooN dil hai baykal

Ehu ee gallaN nit aakhda hai

Tu sad lay mainu we apnay ghar wich

Na'eeN to itthay asaaN de naal aa

»»  read more

Zindagi Ke Har Mor Par

Zindagi Ke Har Mor Par

Hum Ne Dhoka Kha Rakha Hai

Loog Samajhte Hain

Hum Ne Duniya Ko Hansa Rakha Hai

Laiken In Ko Kia Maloom!!

Keh Hum Ne

Apne Ghar Ke Aik Kamre Mein

Aik Choota Sa Apni Hasraton Ka

Qabristan Bana Rakha Hai

Mout Bhi Karti Hai Hum Se Be Wafaye

Aur Ghumon Ne Humein

Sanam Khana Bana Rakha Hai

Loogo Ki Nazro Mein Hum Ne

Apne Labon Par

Majmooa-E-Aashar Saja Rakha Hai

Laiken In Ko Kia Maloom!!!

Hum Ne Ghum Aur Dukhoo Ka

Naam Khushi Bana Rakha Hai

»»  read more

gul ko mahbub mein qayas kiya

gul ko mahbub mein qayas kiya

farq nikala bahot jo bas kiya

dil ne hum ko misal-e-aina

ek aalam se ru-shinas kiya

kuch nahi sujhata hamen us bin

shauq ne hum ko be-havas kiya

subah tak shama sar ko dhundhati rahi

kya patange ne iltemas kiya

aise vahashi kahan hain ae khuban

‘meer’ ko tum ne abas udas kiya

»»  read more

Apni Nazroon Se Jo Gir Jaye Woh Chehra Na Bana

Apni Nazroon Se Jo Gir Jaye Woh Chehra Na Bana

Mujh Ko Lamhe-A-Fursat Ka Khilona Na Bana

Saink’roon Rastey Hain Ajnabi Ho Janey Ke

Tark Karna Hai Tou Talook Ka Bahana Na Bana

Jhoot Ehsaas Ki Qandeel Ko Boojha Deta Hai

Muhjey Insaan Samja Khud Ko Farishta Na Bana

Apni Yaadein Tu Mere Dil Main Basi Rehne Dey

Is Mehaktey Huay Gulzaar Ko Sehra Na Bana

Mein Tu Pehle Hi Zakhum Liye Phirta Hoon

Muhjey Aab Shehar Dard-E-Tamasha Na Bana

Thak Gaeen Hain Mere Ehsaas Ki Aakhain

Nqash-E-Deewar Per Aab Koi Afsana Na Bana

»»  read more

Tumhen bhool jaun ye hota nahi

Tumhen bhool jaun ye hota nahi

koi waqt ho dard sota nahi

na ho jao badnam tum is liye

main ro ro ke daman bhigota nahi

ye wo fasl hai jo uge khud-ba-khud

koi dard ke bij bota nahi

ye mana ke tufan ka zor hai

main ghabara ke kashti dubota nahi

»»  read more