Qissay Meri Wehshat kay jo Marqoom hain saray,
Aa Dekh Tere Naam say Mosoom hain saray.
Bas Es Liye Har kaam Adhoora hi Para hai,
Khadim Bhi meri Qaum kay Makhdoom hain Saray.
Har Jurm meri zaat say Mansoob huva hai,
Kya mere siva Shehar main Masoom hain Saray.
Ab Kaun meray Paaon ki Zanjeer ko Kholay?
Hakim meri basti kay bhi Mehkoom hain saray!
Shayad yeh zarf hai jo khamosh hoon ab tak,
Warna to tere Aib bhi Maloom hain saray!
0 comments:
Post a Comment