Zara si Dair ko Sab Kuch Bhula K Dekh Lety Hain

Zara si Dair ko Sab Kuch Bhula K Dekh Lety Hain 

Tujhe Hum Samne Apne Bitha K Dekh Lety Hain 

Suna Hy Mad_Bhari Nazren Teri Peene Nahi Detin 

Ijazat Ho To Hum Nazren Mila K Dekh Lety Hen 

Wo Chehry Kesy Hoty Hain K Jin Se Chand Sharmaye 

Tery Rukh Se Siyah Zulfein Hata K Dekh Lety Hen 

Shama K Pas Ja K Kis Tarah Jaltay Hain Parwany 

Zara Hum B Tere Nazdeek Aa K Dekh Lety Hen 

Kahin Betaab Dil Ko is Tarah Se Chain Aa Jaye 

Teri Tasveer Ko Dil Se Laga K Dekh Lety Hen..

»»  read more

Mulaqaten Hamaari Be-Irada Kiyon Nahi Hoti ?

Mulaqaten Hamaari Be-Irada Kiyon Nahi Hoti ? 

Mohabbat Ki Guzar-Gaahain Kushada Kiyon Nahi Hoti ? 

Hamaare Darmiyan Ye Ajnabiyat Ka Dhuwaan Kiyon Hai ? 

Hamaari Chahten Had Se Ziyada Kiyon Nahi Hoti ? 

Mere Jazbaat Ki Khushbu Utarti Kiyon Nahi Tujh Mein 

Tere Dil Ki Sabhi Rahain Kushada Kiyon Nahi Hoti ? 

Khushi Ki Chand Boonden Jisam Ko Geela Kar To Deti Hain 

Mayasar Rahten Lekin Ziyada Kiyon Nahi Hoti ? 

Tere Nazdeek Reh Kar Bhi Ye Doori Ka Gumaan Kesa 

Teri Banhain Meri Khaatir Kushada Kiyon Nahi Hoti ? 

Barre Naz-o-Ada Aksar Ye Dikhlati Hain Raaston Mein 

Ye Sohni Larkiyan Bhi Saada Kiyon Nahi Hoti ?

»»  read more

Faqat Ek Tum Mere Hote Mera Sara Jahan Hota,

Faqat Ek Tum Mere Hote Mera Sara Jahan Hota,

Meri Janat Meri Dunia Mera Ye Ashiyaan Hota,

Bhatakta Youn Na Phirta Main Akele Gham K Gheron Mein,

Koi Manzil Meri Hoti Koi Naam-o-Nishan Hota,

Mujhe Ab Yad Aati Hain Teri Chahat Bhari Batain,

Meri Dunia sanwar Jati Agar Too Meharbaan Hota..!

»»  read more

Mujhe Tum se Mohabbat hai

Mujhe aksar ye kehti thi

K itni bar kehte ho,

“Mujhe Tum se Mohabbat hai”

k ab dil per ye sunanay se

Asar koi nahi hota

Magar jab aaj danista,

Nahi bola use mein ne

“Mujhe tum se mohabbat hai”

To uski Aankh bhar ayee

»»  read more

Hum Ne Ulfat Ka Bharam Sab Se Juda Rakha Hai,

Hum Ne Ulfat Ka Bharam Sab Se Juda Rakha Hai,

Goya Seene Mein Tujhe Dil Ki Jaga Rakha Hai,

Dil Ye Chahe K Too Kabhi Badnam Na Ho,

Dekh Zikar Tera Hai Magar Naam Chupa Rakha Hai,

Mere Jis Hath Se Kia Tha Too Ne Musafha,

Dhoya Hi Nahi Honton Se Laga Rakha Hai,

Ab Mai Samjha Tere Rukhsar Pe Til Ka Matlab

Dolat-E-Husn Pe Darban Betha Rakha Hai,

Juda Ho Gaye Hain To Phir Kia Howa,

Teri Tasveer Ko Seene Mein Saja Rakha Hai..

»»  read more

jab tera hukum mila, tark-e- muhabbat kar di

jab tera hukum mila, tark-e- muhabbat kar di 

dil magar is pe wo dharhka k qayaamat kar di

tujh sey kis tarah main izhaar-e-Muhabbat karta

lafz soojhaa to ma'ani ney baghawat kar di 

main to samajha tha k laut atae hain jaane waley

tuu ne ja kar to judayee meri qismat kar di

mujh ko dushman k iraadon per bhi pyar ata hey

teri ulfat ne muhabbat meri adat kar di

poch betha hoon main tujh sey tere koochae ka pata

tere halaat ne kaisi teri soorat kar di

kia tera jism, tere husn ki hiddat main jala

raakh kisne teri sonae ki si rangat kr di

♥♥♥

»»  read more

Badnaam Zamaane Me Mohabbat Nahi Karte..

Badnaam Zamaane Me Mohabbat Nahi Karte..

Dil Wale To Dushman Se Bhi Nafrat Nahi Karte..

Aik Baar Jise Chaha Sadaa Ussi K Rahe Phir..

Hum Amanat Me Khiyanat Nahi Karte..

Tanhai Main Karlete Hain Yaad Aansoo Baha Kar..

Zahir Kabhi Hum Apni Ibadat Nahi Karte..

Waqt Aane Pe Ye Maloom Hojaiga Tumhe..

Hum Sirf Dikhawe Ki Mohabbat Nahi Karte..

.

Likhte Hain Faqat Tumhare Liye Ghazalein..

Har Shakhs Pe Hum Aisi Inayat Nahi Karte..

»»  read more

Tum Ne To Ye Keh Diya K Muhabbat Nahi Mili

Tum Ne To Ye Keh Diya K Muhabbat Nahi Mili

MujhKo To Ye Kehne Ki Bhi Fursat Nahi Mili

Neendo'n K Dess Jate ,Koi Khawab Dekhte

Lekin Diya Jalaaney Se Fursat Nahi Mili

Tujh Ko To Khair Shehar K Logo'n Ka Dar Tha

Aur mujh Ko Apney Ghar Se Ijazat Nahi Mili ..

Phir Ikhtelaaf-e-rai Ki Soorat Nikal Pari

Ur Apni Yahan Kissi Say Bhi Aadat Nahi Mili .........♥

Be-Zaar Yu Huwe K Teray Ehad Mein Humein

Sub Kuch Mila Sakoon Ki Dolat Nahi Mili ....................♥

»»  read more

Unn Se Inkaar Toh Hargiz Na Gawara Hota..

Unn Se Inkaar Toh Hargiz Na Gawara Hota..

Jaan Bhi Dete Agar Unn Ka Ishaara Hota..

Kaun Kehta Hai Ke Din Raat Mere Naam Karo..

Aik Lamha Toh Mere Saath Guzaara Hota..

Tuu Maseeha Hai, Maseeha Lekin..

Baat Toh Jab Thi, Mere Dard Ka Chaara Hota........

»»  read more

Bohut Masoom Thy Hum Bhi

Bohut Masoom Thy Hum Bhi

Hamain ab yaad aata hy

K Hum ik ajnabi ko umar ki tareek

raahon ka

Sahaara maan bethay thy.

K uss k chaand chehrey ko

Hum apnay Bakkht ka roshan sitaara

maan bethay thy

Hamain Maloom Hi Kab Tha

K Dasht_e_

Zindagaani mein

Sahaarey chhoot jaatay hyn

Kabhi aisa bhi hota hay

Nazar jin par theharti hay

Wo Taarey toot jaatay hein.

Khud APNAY rooth jaatay hein.

Bahut Masoom Thay Hum bhi.

Hamien maloom hi kb tha...!! — 

»»  read more

Mohabbat Hai Mujhe Tum Se

Mohabbat Hai Mujhe Tum Se,

Bas Itna Janta Hun Main,

Ye Kya Hai? Kyun Hai? Kaisey Hai.?

Bataon Kis Tarha Tum Ko.?

Chalo Socho Agar Main Tum Se,

Ye Poochun Kisey Kehtay Hain Be-Chaini.?

Agar Koi Makeen Dil Ka,

Chala Jaye Kaheen Kuch Din,

To Neendein Kyun Nahi Aateen.?

Kabhi Jo Baat Na Ho To Ye Saansen Kyun Nahi Aateen.?

Koi Jo Dost Pyara Ho Agar Wo Rooth Jaye To,

Hansi Phir Kyun Nahi Aati.?

Chalo Itna Bata Do Tum,

Nikaalain Machli Pani Se,

To Zinda Kyun Nahi Rehti.?

To Phir Tum Ko Bataon Ga,

MOHABBAT KAISAY HOTI HAI...

»»  read more

Tumhaara naam bhi sun lun to roushni ho jaye

Ghubaar-e-tab’ mein thoRi bahut kami ho jaye

Tumhaara naam bhi sun lun to roushni ho jaye

Zara khayaal karo! waqt kis Qadar kam hai

MaiN jo Qadam bhi uThaluN woh aakhri ho jaye

QaymaateiN to hameshaa guzartii rahtii haiN

‘azaab us ke liye jis ko aa-gahee ho jaye

Guzar rahe haiN mere raat din laRaayii meiN

MaiN sochta huN K mujh ko shikast hi ho jaye

Ajeeb shaksh hai! tabdeeel hi nahii hotaa!

Jo us ke saath rahe chand din, wohii ho jaye

Meraa naseeb kinaaraa ho yaa samundar ho

Jo hogayii hai to lahroN se dushmani ho jaye

Tamaam umr to doori mein kaT gayi merii!!

Na jaane kya ho? agar uss se dosti ho jaye

Bus aek waqt mein saari balaayeiN TooT paRiN

Agar safar ye kaThin hai to raat bhi ho jaye

MaiN so na jauN, jo aasaaniyaaN muyassar hoN

MaiN mar na jauN, agar khatm tishnagi ho jaye

Nahi zaroor, K ooNchii ho aasmaanoN se!!

Yehi bahut hai zamiiN paoN par khaRi ho jaye

Tamaam umr simaT aayi hai ek lamhay meiN

MaiN chahta hun K hona hai jo abhi ho jaye

Wohi huN maiN! wohi imkaN ke khel haiN Shahzad

Kabhi feraar bhi mumkin na ho, kabhi ho jaye

»»  read more

Mohabbat Hai Mujhy Tum Se

Mohabbat Hai Mujhy Tum Se,
Bas Itna Janta Hun Main,

Ye Kya Hai? Kyun Hai? Kaisey Hai?
Bataon Kis Tarha Tum Ko?

Chalo Socho Agar Main Tum Se,
Ye Poochun Kisey Kehtay Hain Be-Chaini?

Agar Koi Makeen Dil Ka,
Chala Jaye Kaheen Kuch Din,
To Neendein Kyun Nahi Aateen?

Kabhi Jo Baat Na Ho To Ye Saansen Kyun Nahi Aateen?

Koi Jo Dost Pyara Ho Agar Wo Rooth Jaye To,
Hansi Phir Kyun Nahi Aati?

Chalo Itna Bata Do Tum,
Nikaalain Machli Pani Se,
To Zinda Kyun Nahi Rehti?

To Phir Tum Ko Bataon Ga,
MOHABBAT KAISAY HOTI HAI

»»  read more

Muhabbat Rooth Jaye to

Muhabbat Rooth Jaye to
Usay Baanhon Main Lay Lena.

Bohat He Paas kar k Tum
Usay Jany Nahi Dena.

Woh Daman Bhi Churaye To
Usay Tum Qasam De Dena.

Dilon k Maamlon Main to
Khataaen ho He Jati Hain.

Magar Tum in Khataaon ko
Bahana Mat Bana Lena.

Muhabbat Rooth Jaye to
Usay Jaldi Mana Lena.

»»  read more

Manzar Se Wohi Thathak Rahi Hoon

Manzar Se Wohi Thathak Rahi Hoon
Hayrat Se Palak Jhapak Rahi Hoon,

Yeh Tu Hai Kay Mera Wahmaa Hai
Band Aankon Se TujhKo Tak Rahi Hoon,

Jaise Kay Kabhi Na Tha Ta`aruf
Yoon Milte Howe Jhijar Rahi Hoon,

Pehchaan Main Teri Roshni Hoon
Aur Teri Palak Palak Rahi Hoon,

Kiya CHain Mila Hai, Sar Jo Us Kay
Shaano Pe Rakhe Sisak Rahi Hoon,

Pathar Pe Khuli, Pa Chashm-e-Gul Mein
Kaante Ki Tarah Khatak Rahi Hoon,

Jugnu Kaheen Thak Kay Gir Chuka Hai
Jangal Mein Kahaan Bhatak Rahi Hoon,

Guriya Meri Soch Ki Cheni Kiyaa
BAchi Ki Tarah Bilak Rahi Hoon,

Ek Umr Howi Hai Khud Se Larte
Andar Se Tamaam Thak Rahi Hoon,

Rass Pher Se Joron Mein Jaa Raha Hai
Main Shak Pe Kab Se Pakk Rahi Hoon,

Takhleeq-e-Jamaal-e-Fan ka Lamhaa
Kaliyon Ki Tarah Chatak Rahi Hoon.

»»  read more

Aadhooray khuwaab ke under

Aadhooray khwaab ke under

Kabhi palkain bichana mat

Aadhooray khwaab aankhon ko bohat takleef dety hain…

Aadhoori yaad ko dil ki zameen main tum nahi bona

Aadhoori yaad dharkan main bohat chubhti, sisakti hai

Khaalish ban kar khatakti hai

Lahu main bijliyaan ban kar bhatakti hai

Aadhooray pyar ko ..... Lekin chalo jane do iss ko Tum

Mohabbat, Pyar, Chahat, Ishq hote hi Aadhooray hain

»»  read more

Kaha na Pyaar hai tum say

کہا ناں ، پیار ھے تم سے

تو پھر کیوں ضد تمہاری ھے

کہ جب بھی میں ملوں تم سے

یہی اظہار ھو لب پہ

مجھے تم سے محبت ھے

تمہیں معلوم ھے جاناں

محبت تو محبت ھے

یہ تو آنکھوں میں دکھتی ھے

حسیں سے خواب کی صورت

اسے کہنا نہیں پڑ تا ،،

بہت چُپ چاپ جز بہ ھے

دبے پاؤں ہی چلتا ھے ،،،

مگر جو نقش اس کے ہیں

بہت ہی گہرے ھوتے ہیں

اُنہیں کہنا نہیں پڑ تا

مگر اظہار ھوتا ھے

کبھی باتوں کی خوشبو سے

کبھی آنکھوں کی شوخی سے

تو پھر کیوں ضد تمہاری ھے

کہ جب میں ملوں تم سے

یہی اظہار ھو لب پہ

مجھے تم سے محبت ھے

مگر تم جانتے ھو ناں

تمہاری بات کو جاناں

نہیں میں ٹال سکتی ھوں

چلو میں تم سے کہتی ھوں

مجھے تم سے محبت ھے

 

»»  read more

Kitaab meri , qalam mera

Awesome Poetry

Kitaab meri , qalam mera , soch b meri..........

mager jo likhay hain main ne baab us k hain...!!

»»  read more

Usay kehna....

Usay kehna....

Bazaahir to,
 
Hawaein Badli Badli hain,

Chaman bhi Badla Badla hai,

Mager DiL me Tumhari yaad ka Mosam nhi Badla,

Teri chahat k phoolon ki,

Abhi khushbu nhi Bikhri,

Mere Andar Tmhari zaat ka Ehsas baqi hai,

Usay kehna..

Ye Fitrat ka taqaaza hai,

k Mosam to Badaltay hain,

Kabhi Mosam Badalnay se,

Ye Aankhein Numm nhi kartay,

Dilon me Ghum nhi kartay,

Mohabbat kam nhi kartay.....

»»  read more

Asar dil per karay shikwa,

Asar dil per karay shikwa,
shikayat ho to aisi ho.!

Galay lag kar koi roye,
Nadamat ho to aisi ho.!
…
yehi mehsus ho jaisay
kai sadiyan guzari hain

faqat ek pal ki furqat mein,
Aziat ho to aisi ho..!!

mujhe kanta chubhay aur
us ki ankhon se lahu tapke,

talluq ho to aisa ho,
MUHABAT ho to aisi ho.

»»  read more